មន្ត្រីជំនាញខេត្តត្រូវពន្លឿនការអនុវត្តអចលនវត្ថុរួមមានដីដែលប្រជាពលរដ្ឋនិងមន្ត្រីរាជការកាន់កាប់យូរប្រគល់ជូនកម្មសិទ្ធិស្របច្បាប់
18-July-2017 | ដោយ ពល បញ្ញា
បន្ទាយមានជ័យ ៖ មន្ត្រីជំនាញត្រូវពន្លឿនការអនុវត្តនីតិវិធីជម្រះចេញពីបញ្ជីសារពើរភណ្ឌទ្រព្យសម្បត្តិរបស់រដ្ឋនូវអចលនវត្ថុរួមមានដីដែលប្រជាពលរដ្ឋនិងមន្ត្រីរាជការកាន់កាប់យូរប្រគល់ជូនកម្មសិទ្ធិស្របច្បាប់កិច្ចប្រជុំធ្វើឡើងនៅថ្ងៃទី១៨ ខែកក្តដា ឆ្នាំ២០១៧នៅសាលប្រជុំសាលាខេត្តបន្ទាយមានជ័យ។
លោក លី សារី អភិបាលរងខេត្តបន្ទាយមានជ័យបានមានប្រសាសន៍ថា ដោយអនុត្តន៍តាមគោលនយោបាយរបស់រាជរដ្ឋាភិបាលកម្ពុជាមានសម្តេចតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា អោយមានប្រសិទ្ធភាពនិងការទទួលខុសត្រូវខ្ពស់ក្រសួងសេដ្ឋកិច្ចនិងហិរញ្ញវត្ថុ ស្តីពីគោលការណ៍និងបញ្ញាត្តិអន្តរកាលនៃការធ្វើអនុបយោគទ្រព្យសម្បត្តិសាធារណៈរបស់រដ្ឋនិងរបស់និតិបុគ្គលសាធារណៈ។
លោកបានបញ្ជាក់ថាករណីពន្លឿនការអនុវត្តន៍នីតិវិធីក្នុងការជម្រះចេញពីបញ្ជីសារពើភណ្ឌទ្រព្យសម្បត្តិរបស់រដ្ឋនូវអចលនវត្ថុរួមមានដីនិងកន្លែងស្នាក់នៅកំពុងកាន់កាប់ប្រើប្រាស់អាស្រ័យផលស្នាក់នៅយូរឆ្នាំកន្លងមក និងមានលក្ខណសម្បត្តិសមស្របដែលអាចទទួលយកបានដោយលើកសំណើរមកក្រសួងសេដ្ឋកិច្ចនិងហិរញ្ញវត្ថុដើម្បីបំពេញនីតិវិធីបន្តក្នុងការកាត់ដីនិងកន្លែងស្នាក់នៅទាំងនោះចេញពីបញ្ជីសារពើភណ្ឌទ្រព្យសម្បត្តិរដ្ឋដើម្បីប្រគល់ជូនប្រជាពលរដ្ឋឬមន្ត្រីរាជការទទួលបានកម្មសិទ្ធស្របច្បាប់ ៕
ចំនួនអ្នកទស្សនា
- ថ្ងៃនេះ1571
- ម្សិលមិញ16391
- សប្តាហ៍នេះ47801
- ខែនេះ162951
- ឆ្នាំនេះ162951
- សរុប20605407