អ្នកញៀនល្បែងចំនួន៦នាក់ត្រូវនគរបាលឃាត់ខ្លួន នៅក្រុងសៀមរាប
19-July-2017 | ដោយ ពល បញ្ញា
សៀមរាប ៖ ក្រុមញៀនល្បែងស៊ីសងចំនួន ៦នាក់ត្រូវបានកម្លាំងនគរបាលនៃអធិការរដ្ឋាននគរបាលក្រុងសៀមរាប សហការជាមួយកម្លាំងនគរបាលការិយាល័យនគរបាលព្រហ្មកម្រិតស្រាលខេត្តសៀមរាបធ្វើការបង្ក្រាបកាលពីថ្ងៃទី១៨ ខែកក្ដដា ឆ្នាំ២០១៧ វេលាម៉ោង១៦និង១០នាទី ស្ថិតនៅក្នុងភូមិទក្សិណត្បូង សង្កាត់គោកចក ក្រុងសៀមរាប ខេត្តសៀមរាប។
សមត្ថកិច្ចបានឲ្យដឹងថាជនសង្ស័យទី១-ឈ្មោះឡេង ញិប ភេទស្រី អាយុ៤៤ឆ្នាំ ទីលំនៅបច្ចុប្បន្នភូមិវាល សង្កាត់គោកចក ក្រុង/ខេត្តសៀមរាប, ទី២-ឈ្មោះ រ័ត្ន សាវឿន ភេទស្រី អាយុ៤៧ឆ្នាំ ទីលំនៅបច្ចុប្បន្នភូមិទក្សិណត្បូង សង្កាត់គោកចក ក្រុង/ខេត្តសៀមរាប, ទី៣-ឈ្មោះម៉ាន់ ណៃ ភេទស្រី អាយុ៥៧ឆ្នាំ ទីលំនៅបច្ចុប្បន្នភូមិទក្សិណត្បូង សង្កាត់គោកចក ក្រុង/ខេត្តសៀមរាប, ទី៤-ឈ្មោះក្រូច អៀង ហៅលី អៀង ភេទប្រុស អាយុ៤២ឆ្នាំ ទីលំនៅបច្ចុប្បន្នភូមិទក្សិណត្បូង សង្កាត់គោកចក ក្រុង/ខេត្តសៀមរាប, ទី៥-ឈ្មោះក្រូច ហាន ភេទប្រុស អាយុ៤៧ឆ្នាំ ទីលំនៅបច្ចុប្បន្នភូមិទក្សិណត្បូង សង្កាត់គោកចក ក្រុង/ខេត្តសៀមរាប, ទី៦-ឈ្មោះជួប ថេត ភេទប្រុស អាយុ៤៧ឆ្នាំ ទីលំនៅបច្ចុប្បន្នភូមិទក្សិណត្បូង សង្កាត់គោកចក ក្រុង/ខេត្តសៀមរាប, និងទី៧-ឈ្មោះ ដក់ មុំ ភេទស្រី អាយុ៣៨ឆ្នាំ ទីលំនៅបច្ចុប្បន្នភូមិទក្សិណត្បូង សង្កាត់គោកចក ក្រុង/ខេត្តសៀមរាប(ម្ចាស់ផ្ទះបើកកន្លែងលេងល្បែងស៊ីសងខុសច្បាប់)។
ដកហូតសម្ភារៈជាវត្ថុតាងរួមមានៈ បៀចំនួន០៣ហ៊ូ, ប្រាក់ដុល្លារនិងប្រាក់រៀល មួយចំនួន, ទូរស័ព្ទដៃចំនួន ៥គ្រឿង, ម៉ូតូចំនួន២គ្រឿង។
ក្រោយឃាត់ខ្លួនអ្នកញៀនល្បែងចំនួន៦នាក់ នគរបាលបានធ្វើការអប់រំណែនាំ(លើកទី១)និងអនុញ្ញាតអោយត្រឡប់ទៅមូលដ្ឋានវិញ។ចំណែកឯម្ចាស់ផ្ទះបើកទីតាំងលេងល្បែងស៊ីសងខុសច្បាប់ចំនួន១នាក់ និងវត្ថុតាងត្រូវបាននគរបាលព្រហ្មទណ្ឌសៀមរាប កសាងសំណុំរឿងបញ្ជូនទៅតុលាការចាត់ការតាមនិតិវិធីច្បាប់។
សង្ឃឹមថាអ្នកញៀនល្បែងចំនួន០៦នាក់ ដែលនគរបាលយើងបានធ្វើការអប់រំណែនាំនិងអនុញាតុអោយត្រឡប់ទៅមូលដ្ឋានជួបជុំគ្រួសារវិញហើយនោះ នឹងខិតខំប្រឹងប្រែង កែប្រែខ្លួន ជួយកិច្ចការងារក្នុងគ្រួសារ និងសង្គម។ ករណីនៅតែប្រព្រឹត្តិ បន្តលេងល្បែងស៉ីសងខុសច្បាប់ទៀត លើកទី២គ្មានការអប់រំណែនាំទេ នគរបាលយើងខ្ញុំនិងកសាងសំណុំរឿងបញ្ជូនទៅតុលាការ ដោយគ្មានការយោគយល់ ៕
ចំនួនអ្នកទស្សនា
- ថ្ងៃនេះ1521
- ម្សិលមិញ16391
- សប្តាហ៍នេះ47751
- ខែនេះ162901
- ឆ្នាំនេះ162901
- សរុប20605357