ភ្នំពេញ ៖ ជនសង្ស័យ ២​នាក់​កំពុង​ជក់​គ្រឿងញៀន​ត្រូវ​នគរបាល​រដ្ឋបាល​ក​ន្ទោ​ក​ឃាត់ខ្លួន​ជាក់ស្តែង​កាលពី​ថ្ងៃទី​១៨ ខែកក្កដា ឆ្នាំ​២០១៧ វេលា​ម៉ោង​១៨​និង​៥០​នាទី នៅ​ចំណុច​បន្ទប់​លេខ​លេខ​២៥១ ភូមិ​ត្រពាំង​គល់ សង្កា​ក់​កន្ទោក ខណ្ឌ​ពោធិ​សែន​ជ័យ រាជធានី​ភ្នំពេញ​។​

​មន្ត្រី​ផ្នែក​ព្រហ្មទណ្ឌ​ខណ្ឌ​ពោធិ​សែន​ជ័យ​បាន​ឲ្យ​ដឹងថា​ជនសង្ស័យ​ទី​១-​ឈ្មោះ ម៉ុ​ន ចិន្តា ភេទ​ប្រុស អាយុ ២៣​ឆ្នាំ មុខរបរ​មិន​ពិតប្រាកដ លេខ​២៥១ ភូមិ​ត្រពាំង​គល់ សង្កា​ក់​កន្ទោក ខណ្ឌ​ពោធិ​សែន​ជ័យ រាជធានី​ភ្នំពេញ​, ជនសង្ស័យ​ទី​២-​ឈ្មោះ ម៉ុ​ន ចាន់​ឌៀ ភេទ​ប្រុស​អាយុ​១៧​ឆ្នាំ មុខរបរ​មិន​ពិតប្រាកដ លេខ​២៥១​ភូមិ​ត្រពាំង​គល់ សង្កា​ក់​កន្ទោក ខណ្ឌ​ពោធិ​សែន​ជ័យ រាជធានី​ភ្នំពេញ​។​

​វត្ថុតាង​កង​ហូ​តៈ ដប​កែច្នៃ​សម្រាប់​ជក់​គ្រឿងញៀន​ចំនួន​មួយ​, ដែកកេះ​ចំនួន​៣​។​

​ប្រភព​ដដែល​បន្តថា​មុនពេល​កើតហេតុ​មាន​ប្រជាពលរដ្ឋ​ល្អ​បាន​រាយការណ៍​ថា នៅ​ចំណុច​ខាងលើ មាន​មនុស្ស​ចេញចូល​សង្ស័យ​ជក់​គ្រឿងញៀន ពេលនោះ​កម្លាំង​សមត្ថកិច្ច​ប៉ុស្តិ៍​កន្ទោក​យើង​បាន​ចុះទៅ​ឆែកឆេរ រកឃើញ​ដូចខាងលើ​។ ហើយ​កម្លាំង​បាន​ឃាត់​ជនសង្ស័យ​ទាំង​២​នាក់​ក្នុង​បន្ទប់​ជួល​នោះ​ព្រមទាំង​វត្ថុតាង មក​ប៉ុស្តិ៍នគរបាល​កន្ទោក​ដើម្បី​សាកសួរ​នាំ​។​

បច្ចុប្បន្ន ជនសង្ស័យ​២​នាក់​ខាងលើ​រួម នឹង​វត្ថុតាង​បញ្ជូន​អោយ​ផ្នែក​ជំនាញ​នៃ​អធិការដ្ឋាន​នគរបាល​ខណ្ឌ​ពោធិ​សែន​ជ័យ​ដើម្បី​បន្ត​អនុវត្តតាម​និតិ​វិធី​ច្បាប់ ៕