ជនញៀនល្បែង ២នាក់ត្រូវបានកម្លាំងនគរបាលឃាត់ខ្លួន
19-July-2017 | ដោយ ពល បញ្ញា
ភ្នំពេញ ៖ ជនញៀនល្បែង(អាប៉ោង) ២នាក់ត្រូវបានកម្លាំងនគរបាលរដ្ឋបាលប៉ុស្តិ៍ទឹកថ្លាធ្វើការឃាត់ខ្លួន កាលពីថ្ងៃទី១៨ ខែកក្កដា ឆ្នាំ២០១៧ វេលាម៉ោង២០និង១០នាទី នៅចំណុចតាមបណ្តោយផ្លូវបេតុង ភូមិស្លែងរលើង សង្កាត់ទឹកថ្លា ខណ្ឌសែនសុខ។
សមត្ថកិច្ចបានឲ្យដឹងថាជនសង្ស័យទី១-ឈ្មោះ ម៉ែន តូច ភេទប្រុស អាយុ៣៨ឆ្នាំ មុខរបរកម្មករសំណង់ ស្នាក់នៅផ្ទះជួលលេខ៨ ផ្លូវបេតុង ភូមិស្លែងរលើង សង្កាត់ទឹកថ្លា ខណ្ឌសែនសុខ ទី២-ឈ្មោះ ម៉ៅ ដា ភេទស្រី អាយុ៤៨ឆ្នាំ មុខរបរនៅផ្ទះ ស្នាក់នៅផ្ទះជួល ផ្លូវបេតុង ភូមិស្លែងរលើង សង្កាត់ទឹកថ្លា ខណ្ឌសែនសុខ ។ សម្ភារៈដកហូតៈ ឧបករណ៍បាញ់អាប៉ោង ១ឈុត, មេអាប៉ោងចំនួន១, លុយរៀលចំនួន១០០.០០០រៀល ។
មុនពេលកើតហេតុកម្លាំងល្បាតប៉ុស្តិ៍ទឹកថ្លា បានធ្វើការល្បាតដល់ចំណុចខាងលើ បានប្រទះឃើញមានមនុស្សប្រហែល២ទៅ៣ នាក់ កំពុងអង្គុយលេងអាប៉ោង នៅចំណុចខាងលើភ្លាមនោះកម្លាំងល្បាតយើងបានចូលទៅធ្វើការឃាត់ខ្លួនេជនសង្ស័យបានចំនួន០២នាក់ រួមទាំងវត្ថុតាងយកមកធ្វើការសាកសួរនៅអធិការដ្ឋាន ចំណែកបក្ខពួកសេសសល់បានគេចខ្លួន ។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាន នគរបាលខណ្ឌសែនសុខ ដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ1341
- ម្សិលមិញ16391
- សប្តាហ៍នេះ47571
- ខែនេះ162721
- ឆ្នាំនេះ162721
- សរុប20605177