ទីតាំងបើកលេងល្បែងស៊ីសងខុសច្បាប់តាមប្រព័ន្ធ Internet online មួយកន្លែងត្រូវនគរបាលបង្ក្រាប
20-July-2017 | ដោយ ពល បញ្ញា
ព្រះសីហនុ ៖ ជនជាតិចិន ពីរនាក់ដែលលួចបើកលេងល្បែងស៊ីសងខុសច្បាប់តាមប្រព័ន្ធ Internet online ត្រូវបានកម្លាំងនៃផែនអន្តោប្រវេសន៍ ដោយមានការសម្របសម្រួលនិងដឹកនាំផ្លូវច្បាប់ដោយលោកព្រះរាជអាជ្ញារង លឹម ប៊ុនហេង ធ្វើការបង្ក្រាបកាលពីយប់ថ្ងៃទី១៩ ខែកក្កដា ឆ្នាំ២០១៧ វេលាម៉ោង១៩និង៣០នាទី នៅផ្ទះជួលក្រុម៤ ភូមិ២ សង្កាត់២ ក្រុង-ខេត្តព្រះសីហនុ ។
សមត្ថកិច្ចបានឲ្យដឹងថាជនជាតិដែលឃាត់ខ្លួននោះទី១-ឈ្មោះ Su Yi Jiang ភេទប្រុស អាយុ៣២ឆ្នាំ, ទី២-ឈ្មោះ Lu Jie Bin ភេទប្រុស អាយុ២៥ឆ្នាំ។
វត្ថុតាងចាប់យកបានរួមមានៈ កុំព្យូទ័រយួរដៃ បីគ្រឿង, ស៊ីមកាតទូរសព្ទបី, Mouse កុំព្យូទ័របី, ទូរសព្ទ ១០គ្រឿង ម៉ាកIphone5, ម៉ូឌឹមInternet ចំនួនបី, ដុំម៉ាស៊ីនសម្រាប់ផ្ទេរលុយ ប្រើជាមួយកុំព្យូទ័រ ចំនួនពីរ, ដុំTP link ចំនួនបី, ដុំ ZTE ចំនួនមួយ, ដុំ Sopto ចំនួន១០, ឆ្នាំងសាកទូរសព្ទមួយចំនួន១១, វិក្កយបត្រពន្យាសុពលភាពលិខិត ឆ្លងដែន មួសន្លឹក។
បច្ចុប្បន្នកម្លាំងជំនាញកំពុងកសាងសំណុំ រឿងបញ្ជូនទៅសាលាដំបូង ដើម្បីចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ1511
- ម្សិលមិញ16391
- សប្តាហ៍នេះ47741
- ខែនេះ162891
- ឆ្នាំនេះ162891
- សរុប20605347