នគរបាលខេត្តព្រះសីហនុ រឹតបន្តឹងការអនុវត្តច្បាប់ចរាចរណ៍ផ្លូវគោក ដើម្បីកាត់បន្ថយសោកនាដកម្មតាមដងផ្លូវ
20-July-2017 | ដោយ ពល បញ្ញា
ព្រះសីហនុ៖ ដោយសារតែមានគ្រោះថ្នាក់ចរាចរណ៍ធ្ងន់ធ្ងរ ស្លាប់ស្ទើររាល់ថ្ងៃ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានដាក់បទបញ្ជា ឲ្យកងកម្លាំងនគរបាលចរាចរណ៍ ខិតខំពង្រឹងការអនុវត្តច្បាប់ អោយបានជាប់ជាប្រចាំ។
ជាក់ស្ដែងកាលពីថ្ងៃទី១៩ ខែកក្កដា ឆ្នាំ២០១៧ វេលាម៉ោង៩និង៣០នាទី លើផ្លូវជាតិលេខ៤ ចន្លោះគីឡូម៉ែត្រ២០៦-២០៧ ស្ថិតនៅក្នុងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ នគរបាលចរាចរណ៍ផ្លូវគោក បានចុះត្រួតពិនិត្យអនុវត្តច្បាប់ចរាចរណ៍ផ្លូវគោក ថតរថយន្តដែល បើកលើសល្បឿនកំណត់ ចេញពីទីប្រជុំជនក្រុង កំណត់ល្បឿ៤០km/h។
រយៈពេលជាងមួយម៉ោង បានរកឃើញរថយន្ត មានកំហុស ចំនួន១៣គ្រឿង ភ្នំពេញ ៩គ្រឿង, កណ្ដាល១គ្រឿង, ក្នុងមូលដ្ឋាន ៣គ្រឿង។
លោកវរសេនីយ៍ឯកព្រហ្ម ពៅ នាយការិយាល័យនគរបាលចរាចរណ៍ផ្លូវគោក បានបញ្ជាក់ថា រថយន្តបើកលើសល្បឿនកំណត់ តម្រូវឲ្យម្ចាស់មកបង់ពិន័យ នៅអង្គភាពនគរបាលចរាចរណ៍ មិនផាកតាមដងផ្លូវទៀតឡើយ ៕
ចំនួនអ្នកទស្សនា
- ថ្ងៃនេះ2181
- ម្សិលមិញ16391
- សប្តាហ៍នេះ48411
- ខែនេះ163561
- ឆ្នាំនេះ163561
- សរុប20606017