គណៈបញ្ជាការឯកភាពខណ្ឌទួលគោក បង្ក្រាបល្បែងស៊ីចំនួន២ទីតាំង
22-July-2017 | ដោយ ពល បញ្ញា
ភ្នំពេញ ៖ គណៈបញ្ជាការឯកភាពខណ្ឌទួលគោក ដែលមានសាលាខណ្ឌ កម្លាំងនគរបាលអធិការខណ្ឌ កងរាជអាវុធហត្ថខណ្ឌ ដោយមានការចូលរួមសហការពីអាជ្ញាធរសង្កាត់ទឹក ល្អក់ទី១ ក្រោមកិច្ចសម្របសម្រួលពីលោកស្រី កែវ សុគន្ធា ព្រះរាជអាជ្ញារង នៃអយ្យការអមសាលាដំបូងរាជ ធានីភ្នំពេញ កាលពីថ្ងៃទី២១ ខែកក្កដា ឆ្នាំ២០១៧ វេលាម៉ោង១៥និង៣០នាទី បានចុះបង្ក្រាបជាក់ស្តែង ករណីលេង ល្បែងស៊ីសងខុសច្បាប់ (ហ្គេមបាញ់ត្រី) ចំនួន២ ទីតាំង នៅក្នុងមូលដ្ឋានខណ្ឌទួលគោក រាជធានីភ្នំពេញ។
ទីតាំងទី១-ផ្ទះលេខ១៤៩ ផ្លូវរថភ្លើង ក្រុមទី៦២ ភូមិ១៦ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។ បានចាប់យកវត្ថុតាង ៖ ទូរហ្គេមបាញ់ត្រី ចំនួនមួយនិងម៉ូតូម៉ាកគុបមូល C50 ពណ៌ស្លែ មួយគ្រឿង។
ទីតាំងទី២-ផ្ទះលេខ១៤៨ ផ្លូវររថភ្លើង ក្រុមទី៦២ ភូមិ១៦ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។ ចាប់យកវត្ថុតាង ទូរហ្គេមបាញ់ត្រី ចំនួនពីរទូ, សៀវភៅកត់ពង់ ចំនួនមួយក្បាល។
លោកអនុសេនីយ៍ឯក តន់ រ៉ាវុធ នាយផ្នែកព្រហ្មទណ្ឌអធិការដ្ឋានខណ្ឌទួលគោកបានឲ្យដឹងថាក្នុងប្រតិបត្តិការខាងលើបានឃាត់មនុស្សបីនាក់រួមមានទី១-ឈ្មោះ ជា សុផារី ភេទស្រី អាយុ ៣១ឆ្នាំ ជនជាតិ ខ្មែរ មុខរបរ លក់ពង់ហ្គេម (ជាភ្នាក់ងារស៊ីសង), ទី២-ឈ្មោះ ពៅ សែន ភេទប្រុស អាយុ ៣២ឆ្នាំ ជនជាតិ ខ្មែរ មុខរបរ ជាងតបណ្តាញទឹក, ទី៣-ឈ្មោះ ជា តារ៉ា ភេទប្រុស អាយុ២៨ឆ្នាំ ជនជាតិខ្មែរ មុខរបរ កម្មករសំណង់។
បច្ចុប្បន្នទីតាំងផ្ទះទាំងពីរខាងលើ យើងបានបិទឃ្លុំ បេរជាបណ្តោះអាសន្ន , ទូរហ្គេមចំនួនបីទូរ បានយក ទៅរក្សាទុកនៅសាលាខណ្ឌទួលគោក ដោយឡែកជន សង្ស័យទាំងបីនាក់ រួមនឹងវត្ថុតាង បានបញ្ជូនមកអធិការដ្ឋាននគរបាលខណ្ឌទួលគោក ដើម្បីគ្រប់គ្រង និងកសាងសំណុំរឿងបញ្ជូនទៅសាលា ដំបូងរាជធានីភ្នំពេញដើម្បីចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ1681
- ម្សិលមិញ16391
- សប្តាហ៍នេះ47911
- ខែនេះ163061
- ឆ្នាំនេះ163061
- សរុប20605517