មុខសញ្ញាជួញដូរគ្រឿងញៀន ២នាក់ត្រូវនគរបាលឃាត់ខ្លួន
24-July-2017 | ដោយ ពល បញ្ញា
កណ្តាល ៖ ជនសង្ស័យ២នាក់ដែលជាមុខសញ្ញាជួញដូរ នូវសារធាតុញៀនដោយខុសច្បាប់ ត្រូវបានកម្លាំងផ្នែកនគរបាលប្រឆាំងគ្រឿងញៀនស្រុក និងកម្លាំងប៉ុស្តិ៍ស្វាយជ្រំ សហការជាមួយម្ចាស់ផ្ទះសំណាក់នីតាឡាក់គីធ្វើការឃាត់ខ្លួនកាលពីថ្ងៃទី២៣ ខែកក្កដា ឆ្នាំ២០១៧ វេលាម៉ោង២២និង១០នាទី នៅចំណុចផ្ទះសំណាក់នីតាឡាក់គី ភូមិបារាជ ឃុំស្វាយជ្រំ ស្រុកខ្សាច់កណ្តាល ខេត្តកណ្តាល។
សមត្ថកិច្ចបានឲ្យដឹងថាជនសង្ស័យទី១-ឈ្មោះ ញ៉ែម សំណាង ភេទប្រុស អាយុ២៧ឆ្នាំ មុខរបរ មិនពិតប្រាកដ ជនជាតិខ្មែរ មានទីលំនៅភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល, ទី២-ឈ្មោះ សៀ សុខខេង ភេទប្រុស អាយុ៣១ឆ្នាំ មុខរបរមិនពិតប្រាកដ ជនជាតិខ្មែរ មានទីលំនៅភូមិអរិយក្សត្រ ឃុំ អរិយក្សត្រ ស្រុកល្វាឯម ខេត្តកណ្តាល ។
សម្ភារៈដកហូតបានរួមមានៈ ម្សៅក្រាមពណ៌សថ្លាសង្ស័យជាសារធាតុ ញៀន (ម៉ាទឹកកកICE ចំនួន ១កញ្ចប់តូច, ការបូបស្ពាយពណ៌ខ្មៅចំនួន០១, ឧបករណ៍សម្រាប់ជក់ថ្នាំញៀនមួយចំនួន, ថង់សម្រាប់វេចខ្ចប់ថ្នាំញៀនមួយចំនួន, ទូរស័ព្ទម៉ាកណូគា ស៊េរី ១០៥ ពណ៌ខៀវចំនួន ១។
សមត្ថកិច្ចបានបន្តថាមុនពេលឃាត់ខ្លួនជនសង្ស័យខាងលើសមត្ថកិច្ចបានទទួលបានព័ត៌មានពីប្រជាពលរដ្ឋថា មានករណី ជួញដូរនិងប្រើប្រាស់ថ្នាំញៀនយ៉ាងសកម្មនៅក្នុងផ្ទះសំណាក់នីតាឡាក់គីស្ថិតនៅភូមិបារាជ ឃុំស្វាយជ្រំ ស្រុកខ្សាច់កណ្តាល ខេត្តកណ្តាល ។ ក្រោយពីទទួលបានព័ត៌មាននេះ កម្លាំងផ្នែកនគរបាលប្រឆាំងគ្រឿងញៀនស្រុក និងកម្លាំងប៉ុស្តិ៍ស្វាយជ្រំ សហការជាមួយម្ចាស់ផ្ទះសំណាក់នីតាឡាក់គីធ្វើការឆែកឆេរនៅបន្ទាប់លេខ៨ រកឃើញជនសង្ស័យចំនួន២នាក់និងវត្ថុតាងសារធាតុញៀនម៉ាទឹកកកICE ១កញ្ចប់តូចការបូបស្ពាយពណ៌ខ្មៅចំនួន១ ឧបករណ៍សម្រាប់ជក់ថ្នាំញៀនមួយចំនួន ថង់សម្រាប់វេចខ្ចប់ថ្នាំមួយចំនួន។
បច្ចុប្បន្នសមត្ថកិច្ចនគរបាលបានឃាត់ខ្លួនជនសង្ស័យទាំង២នាក់ រួមជាមួយវត្ថុតាងបញ្ជូនមកអធិការដ្ឋាននគរបាលស្រុកបន្តអនុវត្តតាមនីតិវិធី ៕
ចំនួនអ្នកទស្សនា
- ថ្ងៃនេះ2991
- ម្សិលមិញ16391
- សប្តាហ៍នេះ49221
- ខែនេះ164371
- ឆ្នាំនេះ164371
- សរុប20606827