ទាក់ទងប្រពន្ធគេរួចនាំទៅរំលោភក្នុងព្រៃបានសម្រេចត្រូវនគរបាលឃាត់ខ្លួន
25-July-2017 | ដោយ ពល បញ្ញា
សៀមរាប ៖ បុរសម្នាក់ទាក់ទងប្រពន្ធគេរួចបបួលទៅលេងម្តុំអង្គរដោយឃើញមានឱកាសល្អក៏ជិះម៉ូតូចូលព្រៃធ្វើការចាប់រំលោភរហូតបានសម្រេចរួចដឹកមកផ្ទះរៀងៗខ្លួនវិញស្រាប់តែដឹងដំណឹងដល់ឪពុកម្តាយខាងស្រីប្តឹងនគរបាលឲ្យឃាត់ខ្លួនតែម្តង។
ហេតុការណ៍ឃាត់ខ្លួនជនសង្ស័យធ្វើឡើងនៅថ្ងៃទី២៤ ខែកក្កដាឆ្នាំ២០១៧ក្នុងភូមិកន្សែង ឃុំចាន់ស ស្រុកសូទ្រនិគម ខេត្តសៀមរាប។
លោកវរសេនីយ៍ត្រី ហេង សំណាង អធិការរងទទួលបន្ទុកព្រហ្មទណ្ឌស្រុកសូទ្រនិគម បានឲ្យដឹងនៅព្រឹកថ្ងៃទី២៥នេះថា ដោយយោងទៅតាមបណ្តឹងរបស់គ្រួសារជនរងគ្រោះទើបកម្លាំងនគរបាលបានធ្វើការតាមឃាត់ខ្លួនជនសង្ស័យបានតែម្តង។
លោកបន្តថាជនរងគ្រោះមានឈ្មោះធ ច ធ ភេទស្រី អាយុ១៩ឆ្នាំ ទីលំនៅភូមិដូនហុង ឃុំដំដែក មុខរបរ នៅផ្ទះ។ ចំណែកជនសង្ស័យមាន ឈ្មោះ សាត សិលហៅវណ្ណា ភេទប្រុស អាយុ២៣ឆ្នាំ រស់នៅភូមិកន្សែងក្រោម ឃុំចាន់ស ស្រុកសូទ្រនិគម ខេត្តសៀមរាប។
លោកអធិការរងបន្ថែមថាដំណើររឿងគឺនៅថ្ងៃទី២០ ខែកក្កដា ឆ្នាំ២០១៧ ជនរងគ្រោះនិងជនសង្ស័យបានទំនាក់ទំនងស្គាល់គ្នាតាមទូរស័ព្ទហើយនៅថ្ងៃទី២១ ជនរងគ្រោះបានជិះម៉ូតូជាមួយប្អូនទៅលេងដល់ភូមិរបស់ជនសង្ស័យហើយបានជួបគ្នានិយាយលេងធម្មតា។
នៅថ្ងៃទី២២បានណាត់គ្នាទៅចូលរួមកម្មវិធីជប់លៀងនៅសៀមរាប ដោយការផឹកស៊ីពេលនោះស្រវឹងទាំងអស់គ្នា ជនរងគ្រោះបានទូរស័ព្ទអោយប្តីមកយកទៅផ្ទះរីឯជនសង្ស័យបានមកផ្ទះឯភូមិកន្សែងវិញ។ លុះព្រឹកឡើងថ្ងៃទី២៣ ជនរងគ្រោះព្រមទាំងប្តីបានទូរស័ព្ទឲ្យជនសង្ស័យទៅយកដោយណាត់ជួបគ្នាផ្លូវ៦០ម៉ែត្រ ពេលជួបគ្នាហើយប្តីក៏ទៅធ្វើការបាត់។ ឯជនសង្ស័យបានឌុបទៅផ្លូវអង្គរហើយជិះចូលផ្លូវព្រៃស្ងាត់និងបានធ្វើសកម្មភាពចាប់រំលោភបានសម្រេចតែម្តងរួចទើបនាំគ្នាជិះមកដល់ផ្ទះរៀងខ្លួន។ ក្រោយពេលព័ត៌មាននេះដឹងដល់ឪពុកម្តាយសាម៉ីខ្លួនបានដាក់ពាក្យប្តឹងឲ្យសមត្ថកិច្ចចាត់ការតាមនីតិវិធី នៅថ្ងៃទី២៤ វេលាម៉ោង៧ព្រឹក ឈានដល់ការឃាត់ខ្លួន ។
ជនរងគ្រោះនិងជនសង្ស័យបានឆ្លើយបំភ្លឺហើយចម្លើយស៊ីសង្វាក់គ្នាអំពីសកម្មភាពសមត្ថកិច្ចក៏បានសុំគោលការឃាត់ខ្លួនបញ្ជូនតាមនីតិវិធីច្បាប់តែម្តង៕
ចំនួនអ្នកទស្សនា
- ថ្ងៃនេះ2981
- ម្សិលមិញ16391
- សប្តាហ៍នេះ49211
- ខែនេះ164361
- ឆ្នាំនេះ164361
- សរុប20606817