គ្រួសារជនរងគ្រោះដែលត្រូវឃាតក សម្លាប់ហើយយកទៅដុតចោលស្នើសុំសមត្ថកិច្ច ដាក់ទោសមួយជីវិត
25-July-2017 | ដោយ ពល បញ្ញា
បន្ទាយមានជ័យ ៖ គ្រួសារជនរងគ្រោះជាអ្នករត់តាក់ស៊ីដែលត្រូវឃាតកសម្លាប់ ហើយយកទៅដុតចោលសមត្ថកិច្ចចាប់បាន ៤នាក់សុំដាក់ទោសមួយជីវិត។
ឈ្មោះ ជា ថន អាយុ៦៦ឆ្នាំនិងឈ្មោះ ប៉ាង សួន អាយុ៥៥ឆ្នាំត្រូវជាម្តាយជនរងគ្រោះរត់តាក់ស៊ីដែលត្រូវឃាតក សម្លាប់ដុតចោលបានថ្លែងអំណគុណចំពោះលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ បានដឹកនាំកម្លាំងជំនាញចុះស្រាវជ្រាវ និងឃាត់ខ្លួនឃាតក ដែលសម្លាប់កូនប្រុសរបស់លោកដែលជាអ្នករត់តាក់ស៊ីហើយយកទៅដុតចោលក្នុងបច្ឆាទាំងកណ្តាលយប់កាលពីថ្ងៃទី២២ ខែកក្តដា ឆ្នាំ២០១៧ នៅវត្តពង្រកងវ៉ាស្ថិតភូមិពង្រ សង្កាត់កំពង់ស្វាយ ក្រុងសិរីសោភ័ណ។
ឪពុកម្តាយជនរងគ្រោះបានបញ្ជាក់ថា ជនរងគ្រោះដែលត្រូវឃាតក សម្លាប់យកទៅដុតចោលនោះគឺជាកូនប្រុសពៅរបស់គាត់ដែលមានមុខរបបរត់តាក់ស៊ីក្នុងចំណោមកូនប្រុសស្រីចំនួន៥នាក់។ មុនពេលដែលឃាតក សម្លាប់គឺកូនប្រុសមានប្រពន្ធគ្មានខានស្លាម្នាក់ឈ្មោះ យ៉ង់ ចន្នី ហៅម៉ី អាយុ២៤ឆ្នាំ(ជាអតីតជាអ្នកចម្រៀងច្រៀងហាងវិមានរាមក្រុងសិរីសោភ័ណ) រហូតបានកូនប្រុសម្នាក់ អាយុ១១ខែដែលជួលផ្ទះនៅខាងក្រៅ។
កាលពីមុនឪពុកម្តាយសាច់ញាតិមិនបានដឹងកូនប្រុសមានប្រពន្ធឡើយដោយថ្ងៃមួយប្រពន្ធគ្រប់ខែឆ្លងទន្លេមិនកើតបានទៅវះកាត់យកកូនគ្មានលុយទើបមកសុំលុយឪពុកម្តាយទៅវះកាត់ប្រពន្ធទើបដឹង។ តែក្រោយពេលដែលប្រពន្ធឆ្លងទន្លេហើយរយៈពេល៥ខែមុននេះស្រាប់មានការឈ្លោះប្រកែកគ្នារហូតមានការលែងលះគ្នាមានលិខិតស្នាមភូមិ.ឃុំហើយប្រពន្ធបានចេញទៅនៅក្រៅរហូត ជាង១ខែមុននេះប្រពន្ធបានចូលរស់នៅជាមួយវិញ។
ស្រាប់តែមុនដែលកូនប្រុសត្រូវឃាតក សម្លាប់គឺកូនបានចេញទៅរត់តាក់ស៊ីជាធម្មតាហើយត្រូវបានបាត់ខ្លួនឪពុកម្តាយបងប្អូនបានដឹងនាំគ្នាទៅប្តឹងកម្លាំងនគរបាលជួយស្រាវជ្រាវរកឃើញជនរងគ្រោះត្រូវបានជនសង្ស័យសម្លាប់ហើយយកមកដុតក្នុងបច្ឆាទាំងកណ្តាលយប់ដែលរួមមានអាចារ្យភ្លុកដាក់ចូលក្តាមឈូសហើយដុត។
គួរកោតសសើរចំពោះកម្លាំងនគរបាលដែលបានដុតដៃដុតជើងស្រាវជ្រាវចាប់បានជាបន្តបន្ទាប់រយៈពេល២ថ្ងៃចាប់បានជនសង្ស័យឃាតកនិងបក្ខពួកចំនួន៤នាក់និងរកឃើញរថយន្តមកវិញ។
ឈ្មោះ យ៉ង់ ចន្នី ហៅម៉ី អាយុ២៤ឆ្នាំ(ត្រូវជាប្រពន្ធ)បានបញ្ជាក់ប្រាប់ថាមុនពេលដែលឃាតក សម្លាប់ប្តីគឺពួកគេរស់នៅជាមួយគ្នាហើយមានអ្នកតេហៅអោយទៅយកម៉ូយដឹកទៅប៉ោយប៉ែត បានប្រយ៉ាប់ប្រញ៉ាល់ចេញទៅនៅអំឡុងម៉ោង១ជាងថ្ងៃទី២២ ខែកក្តដា ឆ្នាំ២០១៧ទៅដឹកនៅម្តុំចំការត្របែកពេលចេញទៅបាត់ហើយទូរស័ព្ទក៏មិនចូលទើបទូរស័ព្ទប្រាប់ឪពុកម្តាយបានដឹងជួយរកទើបបានដឹងប្តីត្រូវបានឃាតកសម្លាប់យកទៅដុតចោល។
ស្ត្រីជាប្រពន្ធបានបញ្ជាក់ថា ខ្លួនមុនបានប្តីជាអ្នកចម្រៀងច្រៀងក្នុងហាងវិមានរាម(ក្រុងសិរីសោភ័ណ) ហើយបានស្គាល់ប្តីចូលទៅកំសាន្តរួមរស់ជាមួយគ្នាជិត ២ឆ្នាំហើយបានកូនប្រុសម្នាក់អាយុ១១ខែ។ តែកាលពី៥ប្រាំខែមុនគេធ្លាប់ឈ្លោះប្រកែកគ្នារហូតមានការលែងលះគ្នាមានលិខិតស្នាមភូមិ.ឃុំ។ ក្រោយពេលលេងលះគ្នាគេបានទៅនៅរួមរស់ដូចប្តីប្រពន្ធដែរជាមួយឈ្មោះ ហេង ឃៀង ភេទប្រុស អាយុ២៣ឆ្នាំ(គ្រូបង្រៀនសាលាភាសាអាស៊ី) រស់នៅភូមិ៣ សង្កាត់ព្រះពន្លា ក្រុងសិរីសោភ័ណ។
ស្ត្រីរូបនោះបានបញ្ជាក់ថា តែរយៈពេល១ខែនេះដោយប្តីអង្វរកពេកហើយដោយគិតឃើញនិងនឹកកូនប្រុសបានមករួមរស់ជាប្តីវិញស្រាប់តែឈ្មោះ ហេង ឃៀង បានឈ្លោះប្រកែកគ្នាជាមួយប្តីរបស់ខ្លួនជាច្រើនលើកហើយគម្រាមរកសម្លាប់ដោយនិយាយថា បើម្នាក់មិនបានម្នាក់ទៀតក៏មិនបានដែរបើអត់គឺអត់ទាំងអស់គ្នា។ ទើបប្តីរបស់ខ្លួនចេញទៅរត់តាក់ស៊ីត្រូវបានឃាតកសម្លាប់យកទៅដុតទើបកម្លាំងនគរបាលឃាត់ខ្លួនសង្ស័យ៤នាក់មានម្នាក់ឈ្មោះ ហេង ឃៀង និងបក្ខពួក៣នាក់ទៀតចូលរួមសម្លាប់នៅថ្ងៃទី២៣ ខែកក្តដា ឆ្នាំ២០១៧ ៕
ចំនួនអ្នកទស្សនា
- ថ្ងៃនេះ3131
- ម្សិលមិញ16391
- សប្តាហ៍នេះ49361
- ខែនេះ164511
- ឆ្នាំនេះ164511
- សរុប20606967