ជនសង្ស័យ ៣នាក់កម្លាំងនគរបាលចាប់ខ្លួនករណីជួញដូរអាវុធធុនធ្ងន់៣ដើមអោយថៃត្រូវបានបញ្ជូនទៅសាលាដំបូងខេត្តហើយ
25-July-2017 | ដោយ ពល បញ្ញា
បន្ទាយមានជ័យ ៖ ជនសង្ស័យ ៣នាក់កម្លាំងនគរបាលចាប់ខ្លួនករណីជួញដូរអាវុធធុនធ្ងន់ ៣ដើមអោយថៃត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី២៤ ខែកក្តដាឆ្នាំ២០១៧។
លោកឧត្តមសេនីយ៍ត្រី សិទ្ធ ឡោះ ស្នងការរងនគបាលខេត្តបន្ទាយមានជ័យបានប្រាប់ថា ជនសង្ស័យដែលត្រូវចាប់ខ្លួនករណីជួញដូរអាវុធ៣នាក់មានទី១-ឈ្មោះ អម វីរៈ ហៅឡេង ភេទប្រុស អាយុ៤៨ឆ្នាំ (ជាបុគ្គលិកស៊ីម៉ាក់អ្នកលក់អាវុធ) រស់នៅភូមិអញ្ចាញ សង្កាត់អូរចារក្រុង/ខេត្តបាត់ដំបង ទី២-ឈ្មោះ ជឹម លីម ភេទប្រុស អាយុ៣៦ឆ្នាំ (អ្នកទិញលក់បន្តអោយថៃ) រស់នៅភូមិឈើទាល ឃុំសេរីមានជ័យ ស្រុកសំពៅលូន ខេត្តបាត់ដំបង ទី៣-ឈ្មោះ យឹម សាវី ភេទប្រុស អាយុ៣៨ឆ្នាំ (អ្នកជួយជញ្ជូនឆ្លងដែន) រស់នៅភូមិភ្នំប្រាំពីរ ឃុំបួរស្រុកភ្នំព្រឹក ខេត្តបាត់ដំបង។
លោកបានបញ្ជាក់ថា ជនសង្ស័យ៣នាក់នេះត្រូវបានឃាត់ខ្លួនករណីជួញដូរអាវុធត្រូវតម្រួតចាប់បាន ៥នាក់និងរឹបអូសបានមានអាវុធធុនធ្ងន់ ៣ដើមមានកាំភ្លើងផ្លោងធុនDK82 មិលីម៉ែត្រចំនួន២ដើម កាំភ្លើងផ្លោងធុនDK81 មិលីម៉ែត្រចំនួន ១ដើមគ្រាប់DK82 មិលីម៉ែត្រចំនួន ៣គ្រាប់ ឧបករណ៍បង្កៃគ្រាប់បែកចំនួន៣ឈុត រថយន្ត៣គ្រឿង ទូរស័ព្ទចំនួន៦គ្រឿង។
លោកឧត្តមសេនីយ៍ទោ អាត់ ខែម ស្នងការនគបាលខេត្តបន្ទាយមានជ័យបានបញ្ជាក់ថា ក្រោយពេលដែលតម្រួតថៃចាប់ខ្លួនជនជាតិចំនួន៥នាក់និងវត្ថុតាងអាវុធធុនធ្ងន់ ៣ដើម កាលពីថ្ងៃទី១៨ ខែកក្តដា ឆ្នាំ២០១៧ នៅចំណុចស្ថានីយ៍ប្រេងឥន្ទនៈ PTTតាមបណ្តោយផ្លូវលេខ៣៥៩ ក្នុងភូមិប្រាំពីរ ឃុំស្រាក់ខ្វាន់ ស្រុក/ខេត្តស្រះកែវ។
លោកបានបញ្ជាក់ថា ជនជាតិថៃទិញអាវុធពីឈ្មួញកម្ពុជានាំចេញច្រករបៀងស្រុកម៉ាឡៃខេត្តបន្ទាយមានជ័យកម្លាំងនគរបាលស្រាវជ្រាវកំណត់មុខសញ្ញាហើយកម្លាំងនគរបាលខេត្តបន្ទាយមានជ័យសហការជាមួយកម្លាំងនគរបាលខេត្តបាត់ដំបងបានឃាត់ជាបន្តបន្ទាប់បានចំនួន ៣នាក់តាំងពីថ្ងៃទី២១ ដល់២៣ខែកក្តដា ឆ្នាំ២០១៧ នៅភូមិសាស្គ្រខេត្តបាត់ដំបង។
លោកឧត្តមសេនីយ៍ទោ អាត់ ខែម បានបន្តថា ក្រោយពេលឃាត់ខ្លួនជនសង្ស័យ ៣នាក់ដោយយោងតាមចម្លើយបានសារភាពកម្លាំងនគរបាលជំនាញបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ3291
- ម្សិលមិញ16391
- សប្តាហ៍នេះ49521
- ខែនេះ164671
- ឆ្នាំនេះ164671
- សរុប20607127