គ្រូពេទ្យស្ទើរភ្លើង ចាក់ថ្នាំយុវតីម្នាក់ បណ្តាលឲ្យប្រតិកម្មស្លាប់មួយរំពិច នៅស្រុកស្វាយជ្រំ
27-July-2017 | ដោយ ពល បញ្ញា
ស្វាយរៀង ៖ យុវតីម្នាក់ត្រូវបានស្លាប់បន្ទាប់ពីលោកគ្រូពេទ្យស្ទើរភ្លើងម្នាក់ចាក់ថ្នាំបណ្តាលឲ្យប្រតិកម្មថ្នាំស្លាប់មួយរំពេច។ ហេតុការណ៍នេះកើតឡើងកាលពីថ្ងៃទី២៦ ខែកក្កដា ឆ្នាំ២០១៧ វេលាម៉ោង១៦និង៣០នាទី។
មន្ត្រីនគរបាលស្រុកស្វាយជ្រំបានឲ្យដឹងថា លោកគ្រូពេទ្យឯកជនដែលស្ទើរភ្លើងខាងលើ ឈ្មោះ ហាស់ ប៊ុនធឿន (ហៅទុន) ភេទប្រុសអាយុ ៥៨ឆ្នាំ រស់នៅភូមិតាប៉ ឃុំតាសួស ស្រុកស្វាយជ្រំ ខេត្តស្វាយរៀង។
ប្រភពដដែលបន្តថាមុនពេលកើតហេតុលោកគ្រូពេទ្យខាងលើបានយកថ្នាំពេទ្យ ថ្នាំអំពូលឡារ៉ូស, ថ្នាំដបតូចសង់តា, ថ្នាំអំពូលកុងខ្វូ, ថ្នាំអូពូលបេកូស៊ីន, ពេលមកដល់ផ្ទះជនរងគ្រោះឈ្មោះ ថោង វ័រល័ក្ខភេទស្រី អាយុ១៩ឆ្នាំ មុខរបរកម្មកររោងចក្រមានទីលំនៅភូមិស្វាយក្អែ ឃុំតាសួស ស្រុកស្វាយជ្រំ ពេលមកដល់លោកគ្រូពេទ្យ បានកាច់ថ្នាំចំនួន៣អំពូលលាយគ្នាចាក់ជនរងគ្រោះបន្ទាប់មកគ្រូពេទ្យបានកាច់ថ្នាំអំពូលបេកូស៊ីនមួយអំពូលទៀតចាក់ជនរងគ្រោះចំភ្លៅចំនួន២ ម្ជុលទៀត បណ្តាលអោយប្រតិកម្មថ្នាំជនរងគ្រោះស្លាប់តែម្តង។
មូលហេតុជនរងគ្រោះមានជំងឺឈឺក្បាលវិលមុខសុំច្បាប់ចេញពីរោងចក្រមកផ្ទះ។ ក្រោយពីជនរងគ្រោះស្លាប់ហើយគ្រូពេទ្យបានគេចខ្លួនបាត់តែម្តង។ បច្ចុប្បន្នសមត្ថកិច្ចជំនាញកំពុង កសាងសំណុំរឿងតាមនីតិវិធី៕
ចំនួនអ្នកទស្សនា
- ថ្ងៃនេះ3451
- ម្សិលមិញ16391
- សប្តាហ៍នេះ49681
- ខែនេះ164831
- ឆ្នាំនេះ164831
- សរុប20607287