កម្មករសំណង់ចំនួន២នាក់ ដាក់ជណ្តើរដែកឡើងបូកស៊ីម៉ង់ត៍គៀបជាប់ខ្សែភ្លើង ឆ្លងចរន្តឆក់ស្លាប់ម្នាក់និងរបួសធ្ងន់ម្នាក់
29-July-2017 | ដោយ ពល បញ្ញា
ឧត្តរមានជ័យ ៖ កាលថ្ងៃទី២៨ ខែកក្កដា ឆ្នាំ២០១៧ វេលាម៉ោង៤នឹង៣០នាទីល្ងាច មានករណីមនុស្សឆក់ខ្សែភ្លើង នៅចំណុចការាស់សាំង L H R ស្ថិតនៅក្នុងភូមិអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ បណ្តលឲ្យស្លាប់១នាក់ របួសធ្ងន់១។
លោកវរសេនីយ៍ទោ ស៊ីម វណ្ណៈ អធិការនគរបាលស្រុកអន្លង់វែង បានឲ្យដឹងថា ជនរងគ្រោះទាំង២នាក់ដែលឆក់ខ្សែបណ្តាលឲ្យស្លាប់និងរបួសនោះ មានឈ្មោះដូចខាងក្រោម៖ទី១-ឈ្មោះ ឆង វ ភេទប្រុស អាយុ ២២ ឆ្នាំ មុខរបរជាកម្មករសំណង់ រស់នៅភូមិ ឫស្សីលក ឃុំ ឫស្សីលក ស្រុកជីក្រែង ខេត្ត សៀមរាប ត្រូវបាន(ស្លាប់) ទី២-ឈ្មោះ ចក់ ចឹម ភេទ ប្រុសអាយុ ២៣ ឆ្នាំរស់នៅភូមិជាមួយគ្នា (រងរបួសធ្ងន់ )។
លោកវរសេនីយ៍ទោ ស៊ីម វណ្ណៈ អធិការនគរបាលស្រុក បានបន្តទៀតថា ដោយមូលហេតុៈ យកជណ្តើរដែកដាក់ទ្បើងបូកស៊ីម៉ង់ត៍គៀបជាប់ខ្សែភ្លើងបណ្តាលឲ្យឆ្លងចរន្តឆក់តែម្តង រីឯម្ចាស់ឈ្មោះ លោកឡេង ហួ ភេទប្រុស នៅចំណុចកើតហេតុខាងលើ។
បច្ចុប្បន្ន កម្លាំងជំនាញសមត្ថកិច្ចនៃអធិការនគរបាលស្រុកអន្លង់វែង បានធ្វើកំណត់ហេតុនិងប្រគល់សាកសពជនរងគ្រោះទៅឲ្យក្រុមគ្រួសារយកទៅធ្វើបុណ្យតាមប្រពៃណីនិងម្នាក់ទៀតដែលរបួសធ្ងន់ ត្រូវបានក្រុមគ្រួសារបញ្ជូនទៅមន្ទីរពេទ្យខេត្តសៀមរាប ដើម្បីជួយសង្គ្រោះ ៕
ចំនួនអ្នកទស្សនា
- ថ្ងៃនេះ3891
- ម្សិលមិញ16391
- សប្តាហ៍នេះ50121
- ខែនេះ165271
- ឆ្នាំនេះ165271
- សរុប20607727