រថយន្តឆារ៉ាលែត បុកម៉ូតូជាបន្តបន្ទាប់ចំនួន៣គ្រឿង បណ្តាលឲ្យមនុស្សចំនួន៥នាក់រងរបួសធ្ងន់និងស្រាល
31-July-2017 | ដោយ ពល បញ្ញា
ឧត្តរមានជ័យ ៖ នៅថ្ងៃទី៣០ ខែកក្កដា ឆ្នាំ២០១៧ វេលាម៉ោង២១និង២០នាទី មានករណីគ្រោះថ្នាក់ចរាចរណ៍ មួយកើតឡើងលើកំណាត់ផ្លូវជាតិលេខ៦៧ ចំណុចផ្លូវបំបែកទៅខេត្តឧត្តរមានជ័យ ស្ថិតនៅភូមិអភិវឌ្ឍន៍ ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
រថយន្តបុកម៉ូតូ រួចរត់គេច ក៏បុកម៉ូតូ ជាបន្តបន្ទាប់ សរុប ចំនួន៣ កន្លែង បណ្តាលឲ្យរងរបួសធ្ងន់ម្នាក់ របួសស្រាល ០៤ នាក់ ស្រី ២ នាក់ ៖ ជនរងគ្រោះមានឈ្មោះដូចខាងក្រោម ទី១- ឈ្មោះ អាំ ដាំ ភេទប្រុស អាយុ៤៥ ឆ្នាំ រស់នៅភូមិជាំ ឃុំត្រពាំងប្រីយ៍ ស្រុកអន្លង់វែង បើកបរម៉ូតម៉ាក ហុងដាឌ្រីម ព័ណខ្មៅ សេរី២០០៨ ពាក់ស្លាកលេខ ព្រះវិហារ ១A ០៩៣៦ បណ្តាលឲ្យរងរបួសបាក់ដៃខាងស្តាំ និងម៉ូតូខូចផ្នែកខាងមុខ, ទី២- ឈ្មោះ ហឿង ឡុង ភេទប្រុស អាយុ ១៨ ឆ្នាំ រស់នៅភូមិស្រះឈូក ឃុំត្រពាំងប្រីយ៍ ស្រុកអន្លង់វែង បើកបរម៉ូតូម៉ាក MSX ពណ៌សលាយខ្មៅ សេរី២០១៥ គ្មានស្លាកលេខ បណ្តាលឲ្យរងរបួសស្រាល និងម៉ូតូខូចផ្នែកខាងមុខ ទី៣- ឈ្មោះ អុន ផានិត ប្រុសអាយុ១៨ ឆ្នាំ រស់នៅភូមិជាមួយគ្នា រងរបួសស្រាល, ទី៤- ឈ្មោះ សារ៉េត ស្រីលាភ ភេទស្រី អាយុ២៩ ឆ្នាំ រស់នៅភូមិអភិវឌ្ឍន៍ ឃុំ-ស្រុកអន្លង់វែង ( មានផ្ទៃពោះ ៥ ខែ ) បើកបរម៉ូតូម៉ាក សង់កូរ៉េ ពណ៌ក្រហម រងរបួសស្រាល និងម៉ូតូត្រូវខូច, ទី៥- ឈ្មោះ សារិន យេយេ ភេទស្រី អាយុ៤ ឆ្នាំ ត្រូវជាកូន រងរបួសស្រាល។ អ្នកបើកបររថយន្តឈ្មោះ អ៊ាង បូរិន ភេទប្រុស អាយុ៣៤ ឆ្នាំ រស់នៅភូមិអូរស្មាច់ សង្កាត់អូរស្មាច់ ក្រុងសំរោង បើកបររថយន្តម៉ាក ម៉ាក ឆារ៉ាលែត ពណ៌ត្រេអ៊ី សេរី២០១៤ ពាក់ស្លាកលេខ ខេមរភូមិន្ទ ២ - ០៧០៦ គ្មានរបួស រថយន្តខូចផ្នែកខាងមុខ ។
សមត្ថកិច្ច បានឲ្យដឹងថា មូលហេតុគ្រោះថ្នាក់ចរាចរណ៍ខាងលើនេះ បណ្តាលមកពីអ្នកបើកបររថយន្តស្រវឹង ។
ករណីនេះ អធិការនគរបាលស្រុក បានចាត់តាំងកម្លាំងជំនាញចុះធ្វើកំណត់ហេតុ និងនាំខ្លួនអ្នកបើកបរមកសាកសួរ នៅអធិការដ្ឋាន ដើម្បីកសាងសំណុំរឿងចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ4001
- ម្សិលមិញ16391
- សប្តាហ៍នេះ50231
- ខែនេះ165381
- ឆ្នាំនេះ165381
- សរុប20607837