បុរសម្នាក់សង្ស័យបែកថ្នាំ យកឡាមអារបំពង់កសម្លាប់ខ្លួនឯងនៅសង្កាត់ស្ទឹងមានជ័យ
02-August-2017 | ដោយ ពល បញ្ញា
ភ្នំពេញ ៖ បុរសម្នាក់សង្ស័យបែកថ្នាំបានយកឡាមមកអារបំពង់កនិងកដៃសម្លាប់ខ្លួនឯង នៅវេលាម៉ោង១និង៣០នាទី ថ្ងៃទី០២ ខែសីហា ឆ្នាំ២០១៧ នៅផ្ទះទុកចោលក្នុងដីឡូត៏គ្មានលេខផ្លូវលំ ក្រុមទី៩ ភូមិព្រែកទាល់ទី១ សង្កាត់ស្ទឹងមានជ័យ ខណ្ឌមានជ័យ។
លោកវរសេនីយ៍ទោ ហ៊ួរ ម៉េងវ៉ាង អធិការរងនគរបាលខណ្ឌមានជ័យបានឲ្យដឹងថាជនរងគ្រោះឈ្មោះ ប៉ែន រ៉ាដូ ភេទប្រុស អាយុ២៦ឆ្នាំមុខរបរមិនពិតប្រាកដ ទីលំនៅ ផ្ទះលេខ ៥៣១ ផ្លូវលំ ក្រុមទី៩ ភូមិព្រែកទាល់ទី១ សង្កាត់ស្ទឹងមានជ័យ ខណ្ឌមានជ័យ។
យោងតាមកម្លាំងជំនាញធ្វើកោសល្យវិច្ច័យបានបញ្ជាក់ថា នៅសពមានស្លាកស្នាម អារនៅលើបំពង់កនិងដៃឆ្វេង និងបានបូបទឹកនោមចេញពីសាកសពយកមកវិភាគមានសារធាតុញៀនប្រភេទមេតំហ្វេតាមីន ហើយបានសន្និដ្ឋានថាជនរងគ្រោះពិតជាបានធ្វើអត្តឃាតពិតប្រាកដមែន។
លោកអធិការរងបន្តថា កន្លងមកជនរងគ្រោះធ្លាប់បានឪពុកម្តាយចាប់យកទៅដាក់នៅមជ្ឈមណ្ឌលកែប្រែគ្រឿងញៀនចំនួន ២ដងរួចមកហើយ។ ពេលចេញមកវិញអត់ចូលផ្ទះទៅដេកនៅផ្ទះទុកចោលខាងលើ នៅថ្ងៃទី០១ ខែសីហា ឆ្នាំ២០១៧ វេលាម៉ោង១៨និង១៥នាទី ជនរងគ្រោះដើរទៅវិញទៅមកនៅមុខផ្ទះប៉ុន្តែមិនហ៊ានចូលផ្ទះខ្លាចឪពុកប្តឹងប៉ូលីសអោយចាប់ ព្រោះវានៅប្រើប្រាស់ទៀត លុះដល់ម៉ោង កើតហេតុខាងលើឈ្មោះ ឃុំ ស្រីរ័ត្ន ភេទស្រី បានទៅរកឈ្មោះនិត្យ ដែលជំពាក់លុយនៅផ្ទះកើតហេតុខាងពេលឡើងទៅឃើញនៅក្នុងបន្ទប់អុចទៀនផ្លុងៗក៏រុញទ្វារមិនរួចក៏មើលតាមប្រឡោះប្រហោងស្រាប់តែឃើញមនុស្សស្លាប់និងមានឈាម រួចមករាយការណ៍អោយប្រជាការពារ។
បច្ចុប្បន្នសពត្រូវក្រុមគ្រួសារយកទៅធ្វើបុណ្យតាមប្រពៃណីនៅវត្ត សំបួរមាស ៕
ចំនួនអ្នកទស្សនា
- ថ្ងៃនេះ5991
- ម្សិលមិញ16391
- សប្តាហ៍នេះ52221
- ខែនេះ167371
- ឆ្នាំនេះ167371
- សរុប20609827