សមត្ថកិច្ចឈឺក្បាល ដោយក្មេងប្រុសអាយុ១២ឆ្នាំ ចេះរំលោភកុមារី អាយុ៥ឆ្នាំ
02-August-2017 | ដោយ ពល បញ្ញា
បាត់ដំបង ៖ រឿងដែលមិនគួរអោយជឿ គឺបានកើតឡើងជុំវិញករណីរំលោភសេពសន្ថវៈដោយសារតែភាគីបង្ក និងភាគីរងគ្រោះសុទ្ធតែស្ថិតក្នុងវ័យជាអនីតិជនទាំងពីរនាក់ដូច្នេះមានតែដំណាងអយ្យការនោះទេដែលមានសិទ្ធសម្រេចលើករណីនេះ ដោយសារតែសមត្ថកិច្ចត្រូវអនុវត្តតាមពាក្យបណ្តឹងរបស់ភាគីរងគ្រោះ ដើម្បីដំណើរការតាមនិតិវិធីច្បាប់ ។
សមត្ថកិច្ចបានឲ្យដឹងថាកាលពីថ្ងៃទី១ ខែសីហា ឆ្នាំ២០១៧ វេលាម៉ោង៩ព្រឹក មានឈ្មោះ ឃុន ញ៉ោន ភេទស្រី អាយុ២៨ឆ្នាំ រស់នៅភូមិបេង ឃុំអន្លង់វិល ស្រុកសង្កែ ខេត្តបាត់ដំបងត្រូវជាម្តាយរបស់កុមារីរងគ្រោះឈ្មោះ ហ ព ស អាយុ៥ឆ្នាំ បានចូលខ្លួនទៅដាក់
ពាក្យបណ្តឹងនៅអធិការដ្ឋាននគរបាលស្រុកសង្កែ ដោយបានចោទប្រកាន់ទៅលើក្មេងប្រុសឈ្មោះ ម ស ឌ អាយុ១២ឆ្នាំ រស់នៅភូមិអូរមុនី១ ឃុំអន្លង់វិល ស្រុកសង្កែពីបទរំលោភសេពសន្ថវៈ លើកូនស្រីរបស់ខ្លួន ។
ការបែកធ្លាយរឿងនេះ ដោយសារតែនៅថ្ងៃទ២៩ ខែកក្កដា ឆ្នាំ២០១៧ វេលាម៉ោង៥ល្ងាច គឺម្តាយកុមារីរងគ្រោះបានងូតទឹកអោយកូន ហើយឃើញសកម្មភាពកូនស្រីយកដៃក្តោបប្រដាប់ភេទ ដោយបាននិយាយថា មានការឈឺផ្សា ក៏មានការសង្ស័យ
ហើយក៏បានសាកសួរ ទើបដឹងថាក្មេងប្រុសរូបនោះ ( បងប្អូនជីទួតមួយនឹងគ្នា ) បានយកម្រាមដៃ និងប្រដាប់ភេទរបស់គេរុកចូលទៅក្នុងប្រដាប់ភេទកុមារី ។
គួរបញ្ជាក់ដែរថា នៅថ្ងៃទី២៤ ខែកក្កដា ឆ្នាំ២០១៧ គឺជីដូនរបស់កុមារីបាននាំកុមារីរូបនេះទៅដេកលេងផ្ទះបងគាត់ ដែលត្រូវជាជីដូនរបស់ក្មេងប្រុសបង្កហេតុ គឺបានស្នាក់នៅចំនួន៥ថ្ងៃ ដោយសារតែជីដូនទាំងសងខាងគ្មានចៅស្រី ទើបមានការស្រលាញ់ខ្លាំង។ លុះនៅថ្ងៃទី២៩ ដោយសារម្តាយមានការរលឹកកូនស្រីខ្លាំងក៏បានទៅយកកូនស្រីមកផ្ទះវិញ ដោយបានងូតទឹកអោយទើបធ្លាយអាថ៌កំបាំង ដោយកុមារីបាននិយាយថា ការប្រព្រឹត្តបែបនេះ គឺខណៈដែលពួកគេងូតទឹកនៅក្នុងបន្ទប់ទឹកទាំងពីរនាក់។
បច្ចុប្បន្នសំណុំរឿងត្រូវបានបញ្ជូនទៅកាន់ការិយាល័យជំនាញរួចហើយ តាមការណែនាំរបស់លោកព្រះរាជអាជ្ញា កាលពីល្ងាចថ្ងៃទី១ ខែសីហា បើទោះបីជាការសាកសួរទៅលើក្មេងប្រុសមិនទទួលបាននូវចម្លើយសារភាពក៏ដោយ ហើយនៅព្រឹកថ្ងៃទី២នេះដែរ ខាងការិយាល័យជំនាញ នៃស្នងការដ្ឋាន នគរបាលខេត្ត សហការជាមួយអង្គការបន្ទាយស្រី ក៏បានបញ្ជូនកុមារីទៅកាន់មន្ទីរពេទ្យដើម្បីធ្វើកោសល្យវិច្ច័យ ។
ជុំវិញបញ្ហានេះដែរ ដោយសារតែភាពអាមាស និងខ្មាស់អ្នកភូមិដោយសារតែខាងរងគ្រោះមានកូនស្រីតែមួយ ទើបនៅថ្ងៃទី៣១ ខែកក្កដា ឪពុកបាននាំកុមារីរងគ្រោះធ្វើដំណើរទៅដល់ព្រៃរនាមពេញមួយថ្ងៃ អត់បាយ អត់ទឹក ទម្រាំតែខាងសមត្ថកិច្ចនិងក្រុមគ្រួសារតាមទៅអង្វរអោយវិលត្រឡប់មកផ្ទះវិញបាន ៕
ចំនួនអ្នកទស្សនា
- ថ្ងៃនេះ5801
- ម្សិលមិញ16391
- សប្តាហ៍នេះ52031
- ខែនេះ167181
- ឆ្នាំនេះ167181
- សរុប20609637