បង្ក្រាបមុខសញ្ញាចែកចាយដ៏សកម្ម រួមនឹងថ្នាំញៀនមួយចំនួន
04-August-2017 | ដោយ ពល បញ្ញា
បាត់ដំបង ៖ ជនសង្ស័យម្នាក់ ដែលជាមុខសញ្ញាចែកចាយគ្រឿងញៀនដ៏សកម្ម ត្រូវបានកម្លាំងសមត្ថកិច្ចតាមប្រមាញ់រហូតឈានដល់ការឃាត់ខ្លួន ព្រមទាំងបានដកហូតថ្នាំញៀនមួយចំនួនផងដែរ បន្ទាប់ពីមុខសញ្ញាសង្ស័យរូបនេះ កំពុងប្រព្រឹត្តនូវសកម្មភាពជាក់ស្តែងនៅក្នុងមូលដ្ឋាន ។
លោកវរសេនីយ៍ទោ ស៊ាន សុណាល់ នាយការិយាល័យនគរបាល ប្រឆាំងគ្រឿងញៀនបានបញ្ជាក់ថា កិច្ចប្រតិបត្តិការនេះបានធ្វើឡើងនៅវេលាម៉ោង៧ និង១០ នាទីយប់ថ្ងៃទី២ ខែសីហា ឆ្នាំ២០១៧ ត្រង់ចំណុចភូមិកម្មករ សង្កាត់ស្វាយប៉ោ ក្រុង/ ខេត្តបាត់ដំបង បន្ទាប់ពីលោកបានទទួលនូវសេចក្តីរាយការណ៍មួយរបស់កម្លាំងសម្ងាត់។
នៅក្នុងកិច្ចប្រតិបត្តិការនេះដែរ សមត្ថកិច្ចបានធ្វើការឃាត់ខ្លួនមុខសញ្ញាម្នាក់ឈ្មោះ គឹម សំណាង ភេទប្រុស អាយុ២៨ឆ្នាំ រស់នៅភូមិអូរតាគាំ១ សង្កាត់ទួលតាឯក ក្រុងបាត់ដំបង ព្រមទាំងបានដកហូតថ្នាំញៀនប្រភេទម៉ាទឹកកកចំនួន២កូនថង់ ស្មើនឹងទម្ងន់ ១,១៤ ក្រាម ក្នុងនោះមានកម្ទេចថ្នាំ១កូនថង់ ទូរស័ព្ទដៃ១គ្រឿងនិងសម្ភារៈប្រើប្រាស់មួយចំនួនទៀត ។
ក្រោយពីបានធ្វើការសាកសួររួចមក បច្ចុប្បន្នកំលាំងជំនាញកំពុងរៀបចំសំណុំរឿងដើម្បីបញ្ជូនខ្លួនរួមជាមួយនិងវត្ថុតាង ទៅកាន់សាលាដំបូងខេត្ត ក្នុងការចាត់វិធានការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ5721
- ម្សិលមិញ16391
- សប្តាហ៍នេះ51951
- ខែនេះ167101
- ឆ្នាំនេះ167101
- សរុប20609557