មុខសញ្ញាចែកចាយគ្រឿងញៀន ២នាក់ត្រូវនគរបាលឃាត់ខ្លួន
09-August-2017 | ដោយ ពល បញ្ញា
ភ្នំពេញ ៖ កាលពីថ្ងៃទី០៨ ខែសីហា ឆ្នាំ២០១៧ វេលាម៉ោង២០និង១៥នាទីសមត្ថកិច្ចនគរបាលខណ្ឌច្បារអំពៅ សហការជាមួយកម្លាំងប៉ុស្តិ៍ទាំង៨ ឃាត់ខ្លួនបានជនសង្ស័យ០២នាក់ នៅចំណុចមុខដីឡូត៍គ្មានលេខ ផ្លូវ អាស៊ាន ភូមិចំពុះកែក សង្កាត់ព្រែកថ្មី ខណ្ឌច្បារអំពៅ ពីបទ ជួញដូរ និងប្រើប្រាស់ដោយខុសច្បាប់នូវសារធាតុញៀន។
លោកវរសេនីយ៍ទោ ម៉ៅ សឿត អធិការរងខណ្ឌច្បារអំពៅបានឲ្យដឹងថាជនសង្ស័យទី១-ឈ្មោះ ឆា រ៉ាត់ ភេទប្រុស អាយុ១៩ឆ្នាំ ជនជាតិខ្មែរ មុខរបរ កម្មករសំណង់ ស្នាក់នៅភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ ទី២-ឈ្មោះ ខន ហ៊ីម ភេទប្រុស អាយុ២៥ឆ្នាំ ជនជាតិខ្មែរ មុខរបររើសអេតចាយ ស្នាក់នៅភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល។
ដកហូតបានវត្ថុតាងរួម ក្រាមពណ៌សថ្លា (សង្ស័យគ្រឿងញៀន) ០៤កញ្ចប់ថង់តូច។
បច្ចុប្បន្នជនសង្ស័យរួមនឹងវត្ថុតាងកម្លាំងជំនាញកំពុងរៀបចំឯកសារដើម្បីចាត់តាមនីតិវិធី ៕
ចំនួនអ្នកទស្សនា
- ថ្ងៃនេះ5501
- ម្សិលមិញ16391
- សប្តាហ៍នេះ51731
- ខែនេះ166881
- ឆ្នាំនេះ166881
- សរុប20609337