មុខសញ្ញាសង្ស័យម្នាក់ រួមនឹងថ្នាំញៀនជាងកន្លះខាំ ត្រូវបានបង្ក្រាប
10-August-2017 | ដោយ ពល បញ្ញា
បាត់ដំបង ៖ ថ្នាំញៀនប្រភេទម៉ាទឹកកកប្រមាណជាង កន្លះខាំ រួមជាមួយនឹងមុខសញ្ញាសង្ស័យម្នាក់ ត្រូវបានកម្លាំងកងរាជអាវុធហត្ថក្រុង តាមប្រមាញ់រហូតឈានដល់ការឃាត់ខ្លួន ខណៈដែលជនសង្ស័យរូបនេះ កំពុងធ្វើសកម្មភាពចែកចាយថ្នាំញៀនជាក់ស្តែងដោយខុសច្បាប់នៅក្នុងមូលដ្ឋាន ។
កិច្ចប្រតិបត្តិការនេះដែរ គឺបានធ្វើឡើងនៅវេលាម៉ោង១ រំលងអាធ្រាត្រ ឈានចូលយប់ ថ្ងៃទី១០ ខែសីហា ឆ្នាំ២០១៧ នៅភូមិ ដំណាក់ហ្លួង សង្កាត់ វត្តគរ ក្រុង បាត់ដំបង ខេត្តបាត់ដំបង។
កម្លាំងការិយាល័យជំនាញបានធ្វើការឃាត់ខ្លួនជនសង្ស័យ ១ នាក់ ឈ្មោះ កែ យសសក្តិ ភេទ ប្រុស អាយុ ៣២ ឆ្នាំ មុខរបរ គ្មាន ទីលំនៅភូមិ កម្មករ សង្កាត់ ស្វាយប៉ោ ក្រុង បាត់ដំបង ខេត្ត បាត់ដំបង ។
នៅក្នុងកិច្ចប្រតិបត្តិការនោះ សមត្ថកិច្ចកងរាជអាវុធហត្ថក្រុងបានធ្វើការដកហូតនូវវត្ថុតាងមួយចំនួនរួមមាន ៖ ថ្នាំញៀនប្រភេទម៉ាទឹកកក ចំនួន ៩ កញ្ចប់ ស្មើទម្ងន់ ៥៤,៥០ ក្រាម ថ្នាំញៀនបករភេទយ៉ាម៉ាចំនួន ៣ គ្រាប់ ថ្នាំញៀនប្រភេទ ខេតាម៉ីន ចំនួន ១ កញ្ចប់ ទូរស័ព្ទដៃ ចំនួន ៨ គ្រឿង និងម៉ូតូ ១ គ្រឿង ម៉ាក ហុងដាឌ្រីម ធុនសេ ១២៥ ពណ៌ ក្រហម ស៊េរី ឆ្នាំ ២០១៧ គ្មានស្លាកលេខ ។
បច្ចុប្បន្នជនសង្ស័យ និង វត្ថុតាង ត្រូវបានកម្លាំងការិយាល័យជំនាញ កំពុងរៀបចំឯកសារ ដើម្បីបញ្ជូនទៅកាន់បញ្ជាការដ្ឋាន កងរាជអាវុធហត្ថខេត្ត ក្នុងការបញ្ជូនបន្តទៅកាន់សាលាដំបូងតាមនិតិវិធី ៕
ចំនួនអ្នកទស្សនា
- ថ្ងៃនេះ5661
- ម្សិលមិញ16391
- សប្តាហ៍នេះ51891
- ខែនេះ167041
- ឆ្នាំនេះ167041
- សរុប20609497