ក្មេងស្រីសិស្សសាលាម្នាក់ស្លាប់បាត់បង់ជីវិតខណៈដែល រត់ជំពប់ជើងដួលត្រូវនឹងជ្រុលថ្មនៅស្រុកអង្គស្នួល
12-August-2017 | ដោយ ពល បញ្ញា
កណ្ដាល ៖ ក្មេងស្រីសិស្សសាលាម្នាក់បានស្លាប់បាត់បង់ជីវិត ខណៈដែលក្មេងស្រីរូបនេះបានរត់លេងជំពប់ជើងដួលបោកទៅនឹងជ្រុលថ្មចំពង់ក.នៅវេលាម៉ោង១០និង១៣នាទី ថ្ងៃទី១១ ខែសីហា ឆ្នាំ២០១៧ ត្រង់ចំណុចបរិវេណសាលាបឋមសិក្សាជង្រុក ស្ថិតក្នុងភូមិជង្រុក ឃុំម្កាក់ ស្រុកអង្គស្នួល ខេត្តកណ្តាល ។
លោកវរសេនីយ៍ឯក មាន សំណាង អធិការស្រុកអង្គស្នួលបានឲ្យដឹងថា ក្មេងស្រីរងគ្រោះឈ្មោះ ឡុញ ស្រីវេត អាយុ១៣ឆ្នាំ ជនជាតិខ្មែរ មុខរបរសិស្សថ្នាក់ទី៥(ខ) មានទីលំនៅភូមិត្រពាំងអណ្តែង ឃុំម្កាក់ស្រុកអង្គស្នួល ខេត្តកណ្តាល ។
ប្រភពដដែលបន្ដថា តាមការបំភ្លឺរបស់ឈ្មោះ ឆន អង្គារណារា ជាគ្រូបង្រៀននៅសាលាបឋមសិក្សាជង្រុកបានឲ្យដឹងថា នៅវេលាម៉ោងកើតហេតុខាងលើ ក្មេងស្រីរងគ្រោះបាននាំគ្នារត់លេងក្នុងបរិវេណសាលា ខណៈកំពុងតែរត់ស្រាប់តែក្មេងស្រីរងគ្រោះបានជំពប់ជើងដោយខ្លួនឯង បណ្ដាលឲ្យដួលបោកទៅនឹងជ្រុងថ្មចំបំពង់ក. សន្លប់ដកដង្ហើមតិចៗ ភ្លាមនោះក៏បង្កឲ្យមានការភ្ញាក់ផ្អើលនិងដឹកបញ្ជូនក្មេងស្រីរងគ្រោះទៅមន្ទីរពេទ្យ តែជាអកុសលក្មេងស្រីរងគ្រោះបានដាច់ខ្យល់ស្លាប់បាត់ទៅហើយ ។ ក្រោយពីមានហេតុការណ៍កើតឡើងសមត្ថកិច្ចបានចុះទៅពិនិត្យនិងកោសល្យវិច្ច័យរួចបញ្ជាក់ថា ជនរងគ្រោះស្លាប់ដោយសារជំពប់ជើងដួលបោកទៅនឹងជ្រុលថ្មចំបំពង់ក. បណ្ដាលឲ្យបែកបំពង់ក.ដាច់ខ្យល់ស្លាប់តែម្ដង ។ក្រោយពីពិនិត្យរួច សមត្ថកិច្ចបានប្រគល់សាកសពទៅឲ្យក្រុមគ្រួសារចាត់ចែងយកទៅធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ5241
- ម្សិលមិញ16391
- សប្តាហ៍នេះ51471
- ខែនេះ166621
- ឆ្នាំនេះ166621
- សរុប20609077