ម៉ូតូ២គ្រឿងបុកគ្នាបណ្តាលរបួសធ្ងន់ស្រាលប្រុស ស្រី៣នាក់លើកំណាត់ផ្លូវជាតិលេខ៥៦ក្រុងសិរីសោភ័ណ
14-August-2017 | ដោយ ពល បញ្ញា
បន្ទាយមានជ័យ ៖ ម៉ូតូ២គ្រឿងបុកគ្នាបណ្តាលរបួសធ្ងន់ស្រាលប្រុស ស្រី ៣នាក់នៅវេលាម៉ោង៧និង២០នាទីព្រឹក ថ្ងៃទី១៤ ខែសីហា ឆ្នាំ២០១៧ នៅតាមកំណាត់ផ្លូវជាតិលេខ៥៦ ស្ថិតភូមិកងវ៉ា សង្កាត់ទឹកផ្លា ក្រុងសិរីសោភ័ណ។
មន្ត្រីនគរបាលចរាចរណ៍ក្រុងសិរីសោភ័ណបានប្រាប់ថា ជនរងគ្រោះ៣នាក់មាន ទី១-ឈ្មោះ ចាន់ មុន្នី ភេទប្រុស អាយុ៤០ឆ្នាំ (បាក់កជើងឆ្វេងរបួសធ្ងន់) ទី២-ឈ្មោះ ម៉ុក សុផា ភេទស្រី អាយុ៤៨ឆ្នាំ(របួសធ្ងន់) និងម្នាក់ទៀតមិនស្គាល់អត្តសញ្ញាណ របួសស្រាលដែលរស់នៅភូមិក្បាលស្ពានសង្កាត់ម្កាក់ក្រុងសិរីសោភ័ណ។
មន្ត្រីនគរជំនាញបានបញ្ជាក់ថា មូលហេតុគ្រោះថ្នាក់ចរាចរណ៍កើតឡើងគឺជនរងគ្រោះម្នាក់របួសស្រាលបានជិះម៉ូតូហុងដា បានបើកបរស្របទិសគ្នាទៅបុកពីក្រោយម៉ូតូ ១គ្រឿងទៀត ម៉ាកហុងដា សេរីឆ្នាំ២០១៥ ពាក់ស្លាក់លេខ បន្ទាយមានជ័យ1L-1256 ដែលបើកបរជនរងគ្រោះឈ្មោះ ចាន់ មុន្នី បានឌុបឈ្មោះ ម៉ុក សុផាត បុកពេញទំហឹងពីលក្រោយបណ្តាលជនរងគ្រោះម្នាក់បាក់ជើងឆ្វេងរបួសធ្ងន់និងម្នាក់របួសស្រាលត្រូវបានសង្គ្រោះបន្ទាន់។
មន្ត្រីនគរបាលរូបនោះបានបញ្ជាក់ថា មូលហេតុដែលគ្រោះថ្នាក់ចរាចរណ៍កើតឡើងគឺបណ្តាលអ្នកជិះម៉ូតូបុកគេពីក្រោយជាអ្នកខុសដោយគ្មានការប្រុងប្រយ័ត្នទៅបុកជនរងគ្រោះពីក្រោយបណ្តាលរបួសធ្ងន់និងស្រាល៣នាក់ក្រោយពេលវាស់វែងហើយម៉ូតូ២គ្រឿងត្រូវបានយកទៅរក្សាទុកអធិការនគរបាលក្រុងរងចាំការដោះស្រាយផ្លូវច្បាប់ ៕
ចំនួនអ្នកទស្សនា
- ថ្ងៃនេះ6241
- ម្សិលមិញ16391
- សប្តាហ៍នេះ52471
- ខែនេះ167621
- ឆ្នាំនេះ167621
- សរុប20610077