រថយន្តបុកពីក្រោយម៉ូតូ ពេញទំហឹងបណ្តាលឲ្យបុរសម្នាក់សន្លឹងស្ដូក
15-August-2017 | ដោយ ពល បញ្ញា
បាត់ដំបង ៖ បុរសវ័យចំណាស់ម្នាក់ បានរងរបួសយ៉ាងធ្ងន់ធ្ងរ រហូតដេកសន្លប់ស្តូកស្តឹងនៅលើទ្រូងផ្លូវ ខណៈដែលជនរងគ្រោះរូបនេះ កំពុងជិះម៉ូតូតាមពីក្រោយរថយន្តសុខៗស្រាប់តែអត់ដឹងថារថយន្តមានការបន្ថយល្បឿន គាប់ជួនល្បឿនម៉ូតូរាងលឿនដែរនោះបានបុកគូទរថយន្តពីក្រោយ តែមិនបណ្តាលអោយប៉ះពាល់ដល់អាយុជីវិតឡើយ ។
យោងតាមរបាយការណ៍បនាបញ្ជាក់ថា ករណីគ្រោះថ្នាក់ចរាចរណ៍នេះបានកើតឡើងនៅវេលាម៉ោង៣និង៣០នាទី រសៀលថ្ងៃទី ១៤ ខែសីហា ឆ្នាំ២០១៧ ត្រង់ចំណុចភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្របាត់ដំបង រវាងរថយន្តម៉ាកISUZU ពណ៌ស ពាក់ស្លាកលេខ ព្រះសីហនុ3A-1267 ជាមួយនឹងម៉ូតូម៉ាកស្មាស់ ព៌ណទឹកប្រាក់គ្មានស្លាកលេខ ក្នុងទិសដៅស្របគ្នា ។
របាយការណ៍បានបន្តថា នៅមុនពេលកើតហេតុគឺមានរថយន្តមួយគ្រឿងខាងលើដែលបើកបរដោយឈ្មោះ សុខ ចំរើន ភេទប្រុស អាយុ៣៧ឆ្នាំ រស់នៅភូមិភ្នំតូច ឃុំពេជ្រចិន្តា ស្រុកភ្នំព្រឹក បានធ្វើដំណើរតាមបណ្តោយផ្លូវក្នុងទិសដៅពីកើត ទៅលិចហើយនៅពេលនោះដែរក៏មានម៉ូតូរបស់បុរសវ័យចំណាស់ម្នាក់ឈ្មោះ សាន់.គា ភេទប្រុសអាយុ៦៦ឆ្នាំ រស់នៅភូមិអូរតាប៉ុន ឃុំពេជ្រចិន្តា ស្រុកភ្នំព្រឹក បានជិះនៅពីខាងក្រោយរថយន្តនោះដែរ ។
លុះពេលមកដល់ចំណុចកើហហេតុខាងលើ ស្រាប់តែរថយន្តមានការបន្ថយល្បឿនហើយក៏ត្រូវម៉ូតូនោះមកបុកគូទរថយន្តពីក្រោយតែម្តង ទើបបណ្តាលអោយរងរបួសយ៉ាងធ្ងន់ធ្ងរតែ ដោយភ្លាមៗនោះដែរសមត្ថកិច្ចក៏បានដឹកបញ្ជូនជនរងគ្រោះទៅកាន់មន្ទីរពេទ្យបង្អែកស្រុកសំពៅលូន ដើម្បីសង្គ្រោះ ។
បច្ចុប្បន្នរថយន្ត និង ម៉ូតូ ត្រូវបានកំលាំងសមត្ថកិច្ចមូលដ្ឋាន នាំយកទៅរក្សាទុកនៅអធិការដ្ឋាននគរបាលស្រុកភ្នំព្រឹកជាបណ្តោះអាសន្នរង់ចាំធ្វើការដោះស្រាយជាក្រោយព្រោះភាគីរថយន្តក៏មិនបានគេចខ្លួនទៅណាដែរ ៕
ចំនួនអ្នកទស្សនា
- ថ្ងៃនេះ6251
- ម្សិលមិញ16391
- សប្តាហ៍នេះ52481
- ខែនេះ167631
- ឆ្នាំនេះ167631
- សរុប20610087