សមត្ថកិច្ចខែត្តកែបកំពុងស្រាវជ្រាវរកចាប់ខ្លួនជនល្មើសដែលបំផ្ទុះទូATM យកប្រាក់នៅក្រុងកែប
15-August-2017 | ដោយ ពល បញ្ញា
កែប ៖ សមត្ថកិច្ចខេត្តកែបអោយដឹងថា មានជនមិនស្គាល់មុខ បានដាក់គ្រឿងផ្ទុះនៅទូម៉ាស៊ីន ATM សម្រាប់ដកប្រាក់របស់ធនាគារ ABA មួយកន្លែងស្ថិតនៅមុខអាហារដ្ឋាន ដេលី តាមផ្លូវជាតិលេខ៣៣A ខាងជើងឆ្នេរកែប ក្រុងកែប ណ្តាលឲ្យផ្ទុះឆេះបំផ្លាញស្ទើរទាំងស្រុង កាលពីម៉ោងប្រមាណ៤ទៀបភ្លឺ ទី១៥ ខែសីហា ឆ្នាំ២០១៧នេះ។
លោកឧត្តមសេនីយ៍ទោ អ៊ីង សំអុលស្នងការនគរបាលខេត្តកែបមានប្រសាសន៍ឲ្យដឹងថា ករណីជនមិនស្គាល់មុខដាក់បំផ្ទុះក្នុងម៉ាស៊ីនទូ ATMនេះ គឺ ជាអំពើចោរកម្ម លួចយកលុយតែប៉ុណ្ណោះ និងថាបច្ចុប្បន្ន កម្លាំងនគរបាលខេត្តបានសហការជាមួយសមត្ថកិច្ចពាក់ព័ន្ធ កំពុងបើការស្រាវជ្រាវ ដើម្បីឈានទៅដល់ការចាប់ខ្លួនជនល្មើស។
ទោះជាយ៉ាងនេះក្តី លោកឧត្តមសេនីយ៍ទោស្នងការនគរបាលខេត្តកែប នៅមិនទាន់បញ្ជាក់បាន ពីចំនួនទឹកប្រាក់ប៉ុន្មាន ដែល ជនល្មើសយកបានទៅនោះទេ ក្នុងនោះក៏ឃើញមានប្រាក់មួយចំនួនទៀត ត្រូវបានឆេះខូចខាតដោយការបំផ្ទុះទូATMនេះដែរ ហើយបើតាមលោកស្នងការបញ្ជាក់ថា នេះជាករណីទី១ ដែលបានកើតឡើងនៅខេត្តកែប៕
ចំនួនអ្នកទស្សនា
- ថ្ងៃនេះ6111
- ម្សិលមិញ16391
- សប្តាហ៍នេះ52341
- ខែនេះ167491
- ឆ្នាំនេះ167491
- សរុប20609947