កម្លាំងនគរបាលស្រុកអង្គស្នួលឃាត់ខ្លួនបុរសម្នាក់តាមដីកា ពាក់ព័ន្ធគ្រឿងញៀន
17-August-2017 | ដោយ ពល បញ្ញា
កណ្តាល ៖ បុរសម្នាក់ត្រូវបានកម្លាំងនគរបាលស្រុកអង្គស្នួលធ្វើការឃាត់ខ្លួនបានដីការបស់សាលាដំបូងខេត្តកណ្ដាលពាក់ព័ន្ធករណីគ្រឿងញៀន នៅថ្ងៃទី១៧ ខែសីហា ឆ្នាំ២០១៧ វេលាម៉ោង៧និង៣០នាទី នៅចំណុចភូមិត្រពាំងទួល សង្កាត់កំបូល ខណ្ឌពោធិសែនជ័យ រាជធានីភ្នំពេញ។
លោកវរសេនីយ៍ឯក មាន សំណាង អធិការនគរបាលស្រុកអង្គស្នួលបានឲ្យដឹងថាជនសង្ស័យឈ្មោះ ជឿន រ៉េន ភេទប្រុស អាយុ៣៧ឆ្នាំ ជនជាតិខ្មែរ មានទីលំនៅភូមិខ្នា ឃុំទួលព្រេជ ស្រុកអង្គស្នួល ខេត្តកណ្តាល ។ ហើយពាក់ព័ន្ធករណីជួញដូរដោយខុសច្បាប់នូវសារធាតុ កាលពីថ្ងៃទី១៧ ខែឧសភា ឆ្នាំ២០១៧ ប្រព្រឹត្តនៅភូមិខ្នា ឃុំទួលព្រេជ ស្រុកអង្គស្នួល ខេត្ដកណ្ដាល។ ដីកាលេខ ៤០៨ ដក.បចខ ចុះថ្ងៃទី២៤ខែ កក្តដា ឆ្នាំ២០១៧ របស់លោក គឹម ម៉េង ចៅក្រមស៊ើបសួរនៃសាលាដំបូងខេត្តកណ្ដាល ។
បច្ចុប្បន្នកម្លាំងជំនាញកំពុងកសាងឯកសារដើម្បីចាត់ការតាមនីតិវិធី៕ ដោយៈ ឧត្តមសេនីយ៍ត្រី ឈឿន សុចិត្ត
ចំនួនអ្នកទស្សនា
- ថ្ងៃនេះ251
- ម្សិលមិញ7351
- សប្តាហ៍នេះ7611
- ខែនេះ118191
- ឆ្នាំនេះ720371
- សរុប21162827