បុរសម្នាក់បាញ់ ជិត១០គ្រាប់ព្រោះខឹងគេបើកឡានប៉ះឡានរបស់ខ្លួន នៅ ជិតរង្វង់មូលកាំកូស៊ីធី
17-August-2017 | ដោយ ពល បញ្ញា
ភ្នំពេញ ៖ បុរសម្នាក់ដែលមានមុខរបរជាអង្គរក្សបានផ្ទុះអាវុធជិត១០គ្រាប់ព្រោះខឹងគេបើកឡានគៀរឡានរបស់ខ្លួន កាលពីថ្ងៃទី១៦ ខែសីហា ឆ្នាំ២០១៧ វេលាម៉ោង៨និង៥០នាទី ស្ថិតនៅចំណុចរង្វង់មូលខាំកូស៊ីធី ផ្លូវ៥៩៨ សង្កាត់ទួលសង្កែ២ ខណ្ឌឫស្សីកែវ។
លោកវរសេនីយ៍ឯក ទៀង ចាន់សា អធិការខណ្ឌឫស្សីកែវបានឲ្យដឹងថាមុនពេលកើតហេតុមានរថយន្តមួយគ្រឿងម៉ាក ព្រួស ពណ៌ស ពាក់ស្លាកលេខ 2AP-1936 បើកបរដោយឈ្មោះ អេង កុសល ភេទប្រុស អាយុ៣៥ឆ្នាំ ជនជាតិខ្មែ កាន់កាប់អាវុធម៉ាក STEYR មានលេខ0388848 មុខរបរអង្គរក្ស ៤៩៩ ពេលមកដល់កន្លែងកើតហេតុត្រូវបានរថយន្តម៉ាក់ គា(Kia) ៤៥កៅអី ពាក់ស្លាកលេខ 3D-4903 ពណ៌ផ្កាឈូក របស់ក្រុមហ៊ុន បូពា៍អាស៊ី បើកបរដោយឈ្មោះ ឈឹម គឹមទ្រី ភេទប្រុស អាយុ២៩ឆ្នាំ ជនជាតិខ្មែរ គៀរបណ្តាលឲ្យធ្លាក់កាងផ្នែកខាងមុខ។
ក្រោយពីសភាពការណ៍ផ្ទុះអាវុធកើតឡើងភ្លាម កម្លាំងជំនាញខណ្ឌ ប៉ុស្តិ៍កំពុងល្បាត់នឹងឈរជើងតាមបណ្តាលគោលដៅបានចុះអន្តរាគមន៍ដល់កន្លែងកើតហេតុនិងបានធ្វើការឃាត់ខ្លួនជនបង្ក ព្រមទាំងដកហូតអាវុធរួមនិងរថយន្តម៉ាក់ព្រួសមកកាន់ការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ។ ដោយឡែករថយន្តម៉ាក់ គា(kia)យកមកពុំបានដោយសារជនបង្កបាញ់ចំកន្លែងធុងទឹក។
យោងតាមការពិនិត្យមើលកាមរ៉ាសុវត្តិភាពចំនួន២នាទី១៦វិនាទីដែលបំពាក់ក្នុងរថយន្តព្រួសរបស់ជនបង្ក បានបង្ហាញអោយឃើញថា រថយន្តក្រុង ម៉ាក់គា(kia)ពិតជាបានបើកប៉ះរថយន្តព្រួស ចំផ្នែកខាងធ្វេងបណ្តាលអោយធ្លាក់កាងនឹងឆ្លងតាមការចុះរបស់សមត្ថកិច្ចជំនាញចរាចរខណ្ឌឫស្សីកែវ ដើម្បីប្រមូលព័ត៌មាននៅកន្លែងកើតហេតុយើងទទួលបានការបំភ្លឺពីសាក្សី ឈ្មោះ ឈន រី ភេទប្រុស អាយុ៣៥ឆ្នាំ ដែលកំពុងឈរលក់សាច់កាប់ម្តុំរង្វង់កាំកូផ្នែកខាងកើតបានបំភ្លឺថាពិតជាមានករណីរថយន្តក្រុងបើកប៉ះ រថយន្តពណ៌សពិតប្រាកដមែន ហើយរថយន្តក្រុងពុំព្រមឈប់ រថយន្តពណ៌សដេញតាមបានចំងាយប្រហែល២០០ម៉ែត្រស្រាប់តែលឺសំលេងផ្ទុះអាវុធតែម្តង។ ក្រោយពីបានបញ្ចប់ប្រមូលព័ត៌មានពីសាក្សី ព្រមទាំងធ្វើកំណត់ហេតុចាប់យកវត្ថុតាង(សំបកគ្រាប់ចំនួន០៣គ្រាប់) រួចមកកម្លាំងជំនាញបានធ្វើការពិនិត្យរកជាតិអាកុល ជាលទ្ធផលបានបង្ហាញអោយឃើញថាឥទ្ធិពលនៃជាតិស្រវឹងមានកំរិតដល់ទៅ០.៤៣មួយលីតខ្យល់(លើសចាតិអាកុល)។
បច្ចុប្បន្នកម្លាំងនគរបាលខណ្ឌឫស្សីកែវបានសហការជាមួយការិយាល័យព្រហ្មតណ្ឌកម្រិតស្រាល កំពុងបន្តការសាកសួរនិងកសាងសំណុំរឿងដើម្បីបញ្ជូនទៅ សាលាដំបូងរាជធានីភ្នំពេញអនុវត្តតាមនីតិវិធី ៕
ចំនួនអ្នកទស្សនា
- ថ្ងៃនេះ7771
- ម្សិលមិញ16391
- សប្តាហ៍នេះ54001
- ខែនេះ169151
- ឆ្នាំនេះ169151
- សរុប20611607