ប្រឡងបាក់ឌុបឆ្នាំ២០១៧ខេត្តបន្ទាយមានជ័យមាន៥មណ្ឌលបេក្ខជនមានចំនួន៣,៤២៥នាក់ព្រះសង្ឃ ៨៥អង្គ
21-August-2017 | ដោយ ពល បញ្ញា
បន្ទាយមានជ័យ ៖ ប្រឡងបាក់ឌុបឆ្នាំ២០១៧ ខេត្តបន្ទាយមានជ័យមាន ៥មណ្ឌលបេក្ខជនមានចំនួន ៣,៤២៥នាក់ ព្រះសង្ឃ ៨៥អង្គដែលត្រូវបានបើកវិញ្ញាសារប្រឡងនាព្រឹកថ្ងៃទី២១ ខែសីហា ឆ្នាំ២០១៧។
លោក ស្តើង តុងហឹង ប្រធានមន្ទីរអប់រំយុវជននិងកីឡាខេត្តបន្ទាយមានជ័យមានប្រសាសន៍រាយការណ៍ថា ប្រឡងសញ្ញាបត្រទុតិយភូមិរឺបាក់ឌុបឆ្នាំ ២០១៧នេះ ខេត្តបន្ទាយមានជ័យចំនួន ៥មណ្ឌលស្មើរ១៣៨បន្ទប់ មានទី១.មណ្ឌលវិទ្យាល័យសម្តេចឪ, ទី២.មណ្ឌលវិទ្យាល័យអូរអំបិល, ទី៣.មណ្ឌលហ៊ុនសែនសូភី, ទី៤.វិទ្យាល័យសិរីសោភ័ណ និងទី៥.មណ្ឌលអនុវិទ្យាល័យទឹកថ្លា។
លោកបានបញ្ជាក់ថា ដែលមានបេក្ខជនប្រឡងចំនួន ៣,៤២៥នាក់ស្រី១,៧០០នាក់ ព្រះសង្ឃចំនួន៨៥អង្គ និងបេក្ខជនចំណេះទូទៅមានចំនួន ២,៧៨២នាក់ ស្រី១,៤១៦នាក់ បេក្ខជនស្វ័យរិន ៤៥៣នាក់ ស្រី២៣៩នាក់ បេក្ខជនបំពេញវិទ្យាមានចំនួន ១៩២នាក់ ស្រី៤៦នាក់។
ក្នុងឱកាសបើកវិញ្ញាសារលោក សួន បវរ អភិបាលខេត្តបន្ទាយមានជ័យបានមានប្រសាសន៍ថា រាជរដ្ឋាភិបាលកម្ពុជាដើម្បីការប្រឡងមានប្រសិទ្ធិភាពនិងគុណភាពដល់សិក្សានុសិស្សការប្រឡងសញ្ញាបត្រទុតិយភូមិរឺបាក់ឌុប ឆ្នាំ២០១៧នេះ មន្ត្រីជំនាញបានសហការជាមួយស្ថាប័នសមត្ថកិច្ចនិងអង្គភាពប្រឆាំងអំពើរពុករលួយបានធ្វើការត្រួតពិនិត្យយ៉ាងល្អិតល្អន់បំផុត។
លោកបានសំណូមពរដល់សិក្សានុសិស្សត្រូវខិតខំប្រឡងដោយចំណេះដឹងនិងបញ្ញារបស់ខ្លួនទទួលបានលទ្ធផលល្អប្រសើរច្រើនជាមុខមាត់គ្រួសារនិងខេត្តប្រឡងសញ្ញាបត្រទុតិយភូមិរឺបាក់ឌុបមានរយៈពេល ២ថ្ងៃចាប់ពីថ្ងៃទី២១ ដល់២២ ខែសីហាឆ្នាំ២០១៧។
គួររំលឹកថា ក្នុងពិធីបើកវិញ្ញាសារប្រឡងសញ្ញាបត្រទុតិយភូមិរឺបាក់ឌុបឆ្នាំ២០១៧នេះ មានលោក សួន បវរ អភិបាលខេត្តបន្ទាយមានជ័យលោក ឈើយ ចាន់ណា អភិបាលរងខេត្តមន្ទីរអប់រំយុវជននិងកីឡាខេត្តភ្នាក់ងារប្រឆាំងអំពើរពុករលួយជាច្រើនរូប ៕
ចំនួនអ្នកទស្សនា
- ថ្ងៃនេះ8571
- ម្សិលមិញ16391
- សប្តាហ៍នេះ54801
- ខែនេះ169951
- ឆ្នាំនេះ169951
- សរុប20612407