ជនសង្ស័យម្នាក់ត្រូវបានសមត្ថកិច្ចចាប់ខ្លួនពាក់ព័ន្ធករណីថ្នាំញៀននៅស្រុកស្អាង
23-August-2017 | ដោយ ពល បញ្ញា
កណ្ដាល ៖ បុរសម្នាក់ត្រូវបានសមត្ថកិច្ចនគរបាលចាប់ខ្លួនពាក់ព័ន្ធថ្នាំញៀន ដោយអនុវត្ដតាមដីកាបង្គាប់ឲ្យចាប់ខ្លួនរបស់សាលាដំបូងខេត្ដកណ្ដាល។ ករណីចាប់ខ្លួនខាងលើនេះបានធ្វើឡើងនៅវេលាម៉ោង៩និង៣០នាទី ថ្ងៃទី២៣ ខែសីហា ឆ្នាំ២០១៧ ស្ថិតក្នុងភូមិឫស្សីជ្រោយ ឃុំស្វាយប្រទាល ស្រុកស្អាង ខេត្តកណ្ដាល ។
មន្ដ្រីនគរបាលស្រុកស្អាងបានឲ្យដឹងថា ជនត្រូវចោទដែលសមត្ថកិច្ចចាប់ខ្លួនឈ្មោះ ទ្រី វណ្ណៈ ភេទប្រុស អាយុ២៨ឆ្នាំ ជនជាតិខ្មែរ មុខរបរ មិនពិប្រាកដ មានទីលំនៅភូមិ ព្រែកតាជ័រ ឃុំស្វាយប្រទាល ស្រុកស្អាង ខេត្តកណ្ដាល ។ ជននេះមានដីកាបង្គាប់ឲ្យចាប់ខ្លួនលេខ៣៤៧/១៧ ដកបចខ ចុះថ្ងៃទី២២ ខែមិថុនា ឆ្នាំ២០១៧ ចុះហត្ថលេខដោយលោក អ៊ី សុវណ្ណ ចៅក្រមស៊ើបសួរនៃសាលាដំបូងខេត្តកណ្ដាល ចោទប្រកាន់ពីបទជួញដូរដោយខុសច្បាប់ដោយសារធាតុញៀន ដែលបានប្រព្រឹត្ដិកាលពីថ្ងៃទី២១ ខែមីនា ឆ្នាំ២០១៧ នៅចំណុចភូមិព្រែកតាជ័រ ឃុំ ស្វាយប្រទាល ស្រុកស្អាង ខេត្តកណ្តាល ។
ប្រភពដដែលបន្ដថា នៅមុនពេលកើតហេតុសមត្ថកិច្ចបានទទួលព័ត៌មានថា ជនត្រូវចោទរូបនេះកំពុងរស់នៅក្នុងភូមិឫស្សីជ្រោយ ឃុំស្វាយប្រទាល ភ្លាមនោះកម្លាំងសមត្ថកិច្ចនគរបាលផ្នែកប្រឆាំងគ្រឿងញៀនស្រុក បានសហការជាមួយកម្លាំងនគរបាលប៉ុស្ដិ៍រដ្ឋបាលស្វាយប្រទាលចុះធ្វើការចាប់ខ្លួនជនត្រូវចោទខាងលើដោយអនុវត្ដតាមដីកាបង្គាប់ឲ្យចាប់ខ្លួនរបស់សាលាដំបូងខេត្ដមកកាន់អធិការដ្ឋាននគរបាលស្រុក ដើម្បីកសាងសំណុំរឿងបញ្ជូនទៅកាន់សាលាដំបូងខេត្ដចាត់ការបន្ដ ៕
ចំនួនអ្នកទស្សនា
- ថ្ងៃនេះ8411
- ម្សិលមិញ16391
- សប្តាហ៍នេះ54641
- ខែនេះ169791
- ឆ្នាំនេះ169791
- សរុប20612247