ជ្រូកព្រៃ ២២ក្បាលត្រូវបានកងពលតូចថ្មើរជើងលេខ៥១ទិញមកចិញ្ចឹមក្នុងកសិដ្ឋានស្រុកព្រះនេត្រព្រះ
24-August-2017 | ដោយ ពល បញ្ញា
បន្ទាយមានជ័យ ៖ ជ្រូកព្រៃឈ្មោលញីចំនួន ២២ក្បាល ត្រូវបានកងពលតូចថ្មើរជើងលេខ ៥១ទិញមកចិញ្ចឹមក្នុងកសិដ្ឋានកាលពីថ្មីៗនេះក្នុងទីបញ្ជាការពលតូចថ្មើរជើងលេខ៥១ស្រុកព្រះនេត្រព្រះ។
លោកឧត្តមសេនីយ៍ត្រី សេង ធារិន មេបញ្ជាការរងនាយសេនាធិការពលតូចថ្មើរជើងលេខ៥១បានប្រាប់ថា កងកម្លាំងយោធាក្រៅពីការងារការពារបូរណៈភាពទឹកដីកងកម្លាំងធ្វើអន្តរាគមន៍ជួយដល់ប្រជាពលរដ្ឋដែលរងគ្រោះដោយធម្មជាតិមានគ្រោះទឹកជំនន់និងខ្យល់ព្យុះនិងខ្យល់កន្ត្រាក់ហើយជួយកសាងផ្ទះជូនប្រជាពលរដ្ឋដែលមានជីវភាពទីទាល់ក្រនិងប្រមូលផលជូនប្រជាបលរដ្ឋ។
លោកបានបញ្ជាក់ថា ដោយមានការណែនាំពីថ្នាក់ដឹកនាំយោធភូមិភាគទី៥និងមេបញ្ជាការពលតូចថ្មើរជើងលេខ៥១ បានទិញជ្រូកព្រៃពូជចំនួន២២ក្បាល មកដាក់ចិញ្ចឹមក្នុងកសិដ្ឋានចិញ្ចឹមជ្រូករបស់ទីបញ្ជាការពលតូចថ្មើរជើងលេខ៥១ស្ថិតភូមិភ្នំជញ្ជាំង ឃុំជប់វ៉ារី ស្រុកព្រះនេត្រព្រះ ខេត្តបន្ទាយមានជ័យ។
លោកឧត្តមសេនីយ៍ត្រី សេង ធារិន បានបញ្ជាក់ថា ក្រៅពីការងារការពារបូរណៈភាពទឹកដីគឺកងកម្លាំងបានដាំបន្លែផ្លែឈើចិញ្ចឹមមាន់ ទា ជ្រូក និងជ្រូកព្រៃបន្ថែមសម្រាប់អង្គភាពពលតូចថ្មើរជើងលេខ៥១ ៕
ចំនួនអ្នកទស្សនា
- ថ្ងៃនេះ7791
- ម្សិលមិញ16391
- សប្តាហ៍នេះ54021
- ខែនេះ169171
- ឆ្នាំនេះ169171
- សរុប20611627