រថយន្តដឹកទំនិញ បែកកង់ក្រឡាប់បណ្តាលឲ្យឆេះ សំណាងគ្មានអ្នករងរបួស
24-August-2017 | ដោយ ពល បញ្ញា
ព្រៃវែង ៖ រថយន្តម៉ាក HYUNDAI ពណ៌បៃតងចាស់មួយគ្រឿងបានបែកកង់ក្រឡាប់ហើយឆេះ បង្កការភ្ញាក់ផ្អើលដល់ សមត្ថកិច្ចបានស្រុកចេញរថយន្តពន្លត់អគ្គីភ័យជួយបាញ់ពន្លត់។ហេតុការណ៍គ្រោះថ្នាក់នេះបានកើតឡើងនៅថ្ងៃទី២៤ ខែសីហា ឆ្នាំ២០១៧ វេលាម៉ោង១១និង១០នាទី នៅចំណុចភូមិព្រីង ឃុំក្រាំងស្វាយ ស្រុកព្រះស្តេច ខេត្តព្រៃវែង លើផ្លូវជាតិលេខ១ ចន្លោះគីឡូម៉ែត្រលេខ៨៣-៨៤។
សមត្ថកិច្ចបានឲ្យដឹងថាមុនពេលកើតហេតុមានរថយន្តមួយគ្រឿងម៉ាក HYUNDAI ពណ៌បៃតងចាស់ ពាក់ស្លាកលេខ ភ្នំពេញ3B-6758 ដឹកភេសជ្ជៈ បើកបរក្នុងទិសដៅពីលិចទៅកើតមកដល់ចំណុចខាងលើបានបែកកង់បណ្តាលអោយក្រឡាប់ ហើយឆេះដោយខ្លួនឯង បណ្តាលឲ្យឆេះខូចខាតតែកាប៊ីន។
សមត្ថកិច្ចបានបន្តថាអ្នកបើកបរឈ្មោះ ចំរុង ភេទប្រុស អាយុ៣១ឆ្នាំ នៅភូមិយោតឃុំ មេសរប្រចាន់ ស្រុកពារាំង ខេត្តព្រៃវែង និងមានអ្នករួមដំណើរជាមួយ២នាក់ ទី១-ឈ្មោះ យ៉េន ឧត្តម ភេទប្រុស អាយុ២៨ឆ្នាំ នៅភូមិត្រពាំងព្រីង ឃុំលាយបូ ស្រុកត្រាំកក់ ខេត្តតាកែវ, ទី២-ឈ្មោះ ហែម សារុំ ភេទប្រុស អាយុ៣៤ឆ្នាំ នៅភូមិស្រែឃ្លេ ឃុំ ទួលសាលា ស្រុកបសែធ ខេត្តកំពង់ស្ពឺ។ត្រូវបានបងប្អូនប្រជាពលរដ្ឋ និង រថយន្ត ពន្លត់អគ្គីភ័យ ស្រុកព្រះស្តេចជួយពន្លត់អស់ទឹកមួយរថយន្ត រលត់ទាំងស្រុង ករណីនេះមិនមានរងរបួសមនុស្សទេ
បច្ចុប្បន្នរថយន្តនៅកន្លែងកើតហេតុកំពុងធ្វើការស្ទួចយកមករក្សារទុក ៕
ចំនួនអ្នកទស្សនា
- ថ្ងៃនេះ951
- ម្សិលមិញ9421
- សប្តាហ៍នេះ56611
- ខែនេះ171761
- ឆ្នាំនេះ171761
- សរុប20614217