ផ្ទះរបស់ប្រជាពលរដ្ឋ បួនខ្នង ត្រូវអគ្គីភ័យឆេះស្ទើរទាំងស្រុងនៅសង្កាត់ទួលសង្កែ
25-August-2017 | ដោយ ពល បញ្ញា
ភ្នំពេញ ៖ នៅវេលាម៉ោង៨និង៤០នាទីព្រឹក ថ្ងៃទី២៥ ខែសីហា ឆ្នាំ២០១៧ មានអគ្គីភ័យមួយកន្លែងកើតឡើងនៅផ្ទះលេខ25H តាមបណ្តោយផ្លូវលំ ក្រុមទី១០ ភូមិចុងខ្សាច់ សង្តាត់ទួលសង្កែមួយ ខណ្ឌឫស្សីកែវ រាជធានីភ្នំពេញ ។មន្ត្រីនគរបាលការិយាល័យពន្លត់អគ្គីភ័យ នៃស្នងការដ្ឋាននគរបាលរាជធានីភ្នំពេញ បានឲ្យដឹងថាម្ចាស់ផ្ទះរងគ្រោះឈ្មោះ ហែម សុភូ ភេទប្រុស អាយុ ៥៨ឆ្នាំ មុខរបរ នៅផ្ទះ ហើយផ្ទះជាប្រភេទសំណង់ ថ្មក្រោមឈឺលើប្រក់ស័ង្កសី ទំហំ ៦គុណ១២ម៉ែត្រ។
ប្រភពដដែលបន្តថាមូលហេតុដែលបណ្តាលឲ្យមានអគ្គីភ័យនេះមកពីឆ្លងចរន្តអគ្គិសនី។
សម្ភារៈខូចខាតរួមមានៈ ឆេះម៉ូតូម៉ាកC125 ពណ៌ខ្មៅ ស្លាកលេខ ភ្នំពេញ 1BE-2853, និងផ្ទះចំនួន ៤ខ្នងផ្ទះ។ ចំពោះហេតុការណ៍ខាងលើនេះ ពុំបណ្តាលឲ្យរបួសដល់មនុស្សនោះទេ។ ក្នុងប្រតិបត្តិការជួយសង្គ្រោះខាងលើ កម្លាំងជំនាញរបស់ការិយាល័យអគ្គិភ័យ បានចេញរថយន្តចំនួន ៧គ្រឿង ប្រើប្រាស់ទឹក អស់ ៧ឡាន ស្មើនឹង ២៨ម៉ែត្រគូប។ និងមានរថយន្តជំនួយរបស់ក្រុមហ៊ុន OCICជ្រោយចង្វាចំនួន ៣គ្រឿង ប្រើប្រាស់ទឹកអស់ មួយឡាន ស្មើនឹង ១៦ម៉ែត្រគូប។ និងបានគ្រប់គ្រងស្ថានការណ៍បានទាំងស្រុងនៅវេលាម៉ោងប្រហែល១០ នាថ្ងៃដដែល ៕
ចំនួនអ្នកទស្សនា
- ថ្ងៃនេះ1231
- ម្សិលមិញ9421
- សប្តាហ៍នេះ56891
- ខែនេះ172041
- ឆ្នាំនេះ172041
- សរុប20614497