ជនសង្ស័យប្រើប្រាស់គ្រឿងញៀន ៤នាក់ត្រូវនគរបាលឃាត់ខ្លួន
26-August-2017 | ដោយ ពល បញ្ញា
ភ្នំពេញ ៖ ជនសង្ស័យ ៤នាក់ដែលប្រើប្រាស់គ្រឿងញៀនត្រូវកម្លាំងនគរបាលប៉ុស្តិ៍ភ្នំពេញថ្មី ឃាត់ខ្លួននៅថ្ងៃទី២៦ ខែសីហា ឆ្នាំ២០១៧ វេលា ម៉ោង០២ និង១០នាទី នៅចំណុចផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
លោកវរសេនីយ៍ត្រី គួក សុខហួ អធិការរងខណ្ឌសែនសុខបានឲ្យដឹងថាជនសង្ស័យទី១-ឈ្មោះ ខុន សុផាត ភេទប្រុស អាយុ៣១ ឆ្នាំ មុខរបរគ្មាន ស្នាក់នៅបន្ទប់ជួល ភូមិច្រេស សង្កាត់គោកឃ្លាង ខណ្ឌសែនសុខ, ទី២-ឈ្មោះ សូរ ស ភេទប្រុស អាយុ២៧ឆ្នាំ មុខរបរគ្មាន ស្នាក់នៅសង្កាត់កន្ទោក ខណ្ឌពោធិសែនជ័យ, ទី៣-ឈ្មោះ នៃ ស៊ីឌែន ភេទប្រុស អាយុ២៥ ឆ្នាំ មុខរបរគ្មាន ស្នាក់នៅបន្ទប់ជួល ភូមិទួលសង្កែ សង្កាត់ទួលសង្កែ ខណ្ឌឬស្សីកែវ, និងទី៤-ឈ្មោះ លីម ភារូលា ភេទប្រុស អាយុ២០ ឆ្នាំ មុខរបរគ្មាន ស្នាក់នៅបន្ទប់ជួល ភូមិទួលសង្កែ សង្កាត់ទួលសង្កែ ខណ្ឌឬស្សីកែវ ។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាន នគរបាលខណ្ឌសែនសុខដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ941
- ម្សិលមិញ9421
- សប្តាហ៍នេះ56601
- ខែនេះ171751
- ឆ្នាំនេះ171751
- សរុប20614207