ជនសង្ស័យ២នាក់ត្រូវនគរបាលឃាត់ខ្លួនពាក់ព័ន្ធគ្រឿងញៀន
26-August-2017 | ដោយ ពល បញ្ញា
ភ្នំពេញ ៖ ជនសង្ស័យប្រើប្រាស់គ្រឿងញៀន ២នាក់ត្រូវបានកម្លាំងនគរបាលខណ្ឌឫស្សីកែវសហការជាមួយកម្លាំងនគរបាលប៉ុស្តិ៍ស្វាយប៉ាកឃាត់ខ្លួនកាលពីថ្ងៃទី២៥ ខែសីហា ឆ្នាំ២០១៧ វេលាម៉ោង១០និង៣០នាទី នៅចំណុចក្រុមទី៧ ផ្លូវប្រឡាយភ្លោះ ភូមិឡកំបោរ សង្កាត់ស្វាយប៉ាក ។
លោកវរសេនីយ៍ឯក ទៀង ចាន់សា អធិការខណ្ឌឫស្សីកែវបានឲ្យដឹងថាជនសង្ស័យទី១-ឈ្មោះ ឌុច វ៉ាស្រ៊ុន ភេទប្រុស អាយុ២៤ឆ្នាំ ជនជាតិខ្មែរ មានទីលំនៅ ភូមិព្រែកល្វា ឃុំពញាឮ ស្រុកពញាឭ ខេត្តកណ្តាល មុខរបរ បុគ្គលិកក្រុមហ៊ុន, ទី២-ឈ្មោះ វ៉ាន់ វាសនា ភេទប្រុស អាយុ២២ឆ្នាំ ជនជាតិខ្មែរ មានទីលំនៅ ភូមិពោធិមង្គល ឃុំព្រែកតាទែន ស្រុកពញាឭ ខេត្តកណ្តាល មុខរបរ កម្មករ។ សម្ភារៈដកហូតមានៈ ក្រាមពណ៌សថ្លាចំនួន មួយកញ្ចប់ ។
បច្ចុប្បន្នកម្លាំងជំនាញ កំពុងបន្តការស្រាវជ្រាវរកបក្ខពួកនិងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី ៕
ចំនួនអ្នកទស្សនា
- ថ្ងៃនេះ1341
- ម្សិលមិញ9421
- សប្តាហ៍នេះ57001
- ខែនេះ172151
- ឆ្នាំនេះ172151
- សរុប20614607