ក្មេងប្រុសជនជាតិវៀតណាមម្នាក់ស្លាប់ ម្នាក់រងរបួសធ្ងន់ នៅស្រុកក្រគរ
28-August-2017 | ដោយ ពល បញ្ញា
ពោធិ៍សាត់ ៖ កុមាររងគ្រោះ២នាក់ម្នាក់ស្លាប់ ម្នាក់ទៀតរបួសធ្ងន់ ដោយឧបទ្ទវហេតុគ្រោះថ្នាក់មួយបណ្តាលមកពីមួលគម្របស៊ីទែនហ្គាស ករណីនេះកើតឡើងនៅចំណុចផ្ទះបណ្តែតទឹកស្ថិតក្នុងភូមិទី៥ ឃុំកំពង់ហ្លួង ស្រុកក្រគរ ខេត្តពោធិសាត់ នាវេលាម៉ោង១៥និង២០នាទីថ្ងៃទី២៧ម្សិលមិញនេះ។
ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុ ម្ចាស់ផ្ទះឈ្មោះលី ផេងគង់ (ហៅលែ) អាយុ៦៤ឆ្នាំ ភេទប្រុស ជនជាតិវៀតណាម ស្នាក់នៅភូមិឃុំខាងលើ បានមួលគម្របស៊ីទែនប្រេងសាំង ក្នុងគោលបំណងបូមប្រេងចេញពីស៊ីទែន ខណៈនោះស្រាប់តែឆួលចំហាយប្រេងចេញមកក្រៅបណ្តាលស្លាប់មនុស្សម្នាក់និងរងរបួសធ្ងន់ម្នាក់។
សមត្ថកិច្ចអាជ្ញាធរមូលដ្ឋានបានឲ្យដឹងថា ជនរងគ្រោះឈ្មោះផុង យ៉ាំងលឹម ភេទប្រុស អាយុ៦ឆ្នាំ ជនជាតិវៀតណាម (ស្លាប់)និងឈ្មោះង្វៀង យ៉ាំងប៊ែ ភេទប្រុស អាយុ១២ឆ្នាំ ជនជាតិវៀតណាម រងរបួសធ្ងន់។
ក្រោយពេលកើតហេតុត្រូវបានក្រុមគ្រួសារបញ្ជូនមកសង្គ្រោះនៅមន្ទីរពេទ្យបង្អែកស្រុកក្រគរ។ ជនរងគ្រោះទាំងពីរអ្នកត្រូវជាចៅរបស់ម្ចាស់ ប្រេងសាំងមានផ្ទះបណ្តែតទឹកខាងលើ ៕
ចំនួនអ្នកទស្សនា
- ថ្ងៃនេះ981
- ម្សិលមិញ9421
- សប្តាហ៍នេះ56641
- ខែនេះ171791
- ឆ្នាំនេះ171791
- សរុប20614247