បុរសម្នាក់ត្រូវសមត្ថកិច្ចឃាត់ខ្លួនពាក់ព័ន្ធគ្រឿងញៀន នៅស្រុកស្អាង
28-August-2017 | ដោយ ពល បញ្ញា
កណ្តាល ៖ ជនសង្ស័យម្នាក់ត្រូវបានកម្លាំងនគរបាលស្រុកស្អាងឃាត់ខ្លួនពាក់ព័ន្ធករណីរក្សាទុកនូវសារធាតុញៀនខុសច្បាប់ (ម៉ាទឹកកក) កាលពីថ្ងៃទី២៧ ខែសីហា ឆ្នាំ២០១៧ វេលាម៉ោង ១៨និង៣០ នាទី នៅចំណុចភូមិព្រែករាំង ឃុំទឹកវិល ស្រុកស្អាង ខេត្តកណ្តាល ។
មន្ត្រីនគរបាលស្រុកស្អាងបានឲ្យដឹងថាជនសង្ស័យឈ្មោះ អេត ចៀន ភេទប្រុស អាយុ២៦ឆ្នាំ ជនជាតិ ខ្មែរ មុខរបរ កសិករ ទីលំនៅបច្ចុប្បន្នភូមិព្រែករាំង ឃុំទឹកវិល ស្រុកស្អាង ខេត្តកណ្តាល ។
ភស្តុតាងចាប់យករួមមាន ៖ ម្សៅក្រាមពណ៌សថ្លាសង្ស័យជាសារធាតុញៀន (ម៉ាទឹកកក) ចំនួន ០២ កញ្ចប់តូច, ទូរស័ព្ទចំនួនមួយគ្រឿង ម៉ាក KA-Mobile ពណ៌ ផ្កាឈូកលាយខ្មៅ។
ប្រភពដដែលបន្តថាមុនពេលកើតហេតុខាងលើ កម្លាំងផ្នែកប្រឆាំងគ្រឿងញៀនស្រុក សហការជាមួយ កម្លាំងប៉ុស្តិ៍នគរបាលទឹកវិល បានល្បាតក្នុងភូមិសាស្ត្រ ដល់ចំណុចកើតហេតុ បានប្រទះឃើញជនសង្ស័យខាងលើ ក៏បានធ្វើការត្រួតពិនិត្យ ឆែកឆេរ រកឃើញគ្រឿងញៀន (ម៉ាទឹកកក) ចំនួន ០២កញ្ចប់តូច រួចឃាត់ខ្លួនជនសង្ស័យរួមនិងវត្ថុតាងមកប៉ុស្តិ៍រដ្ឋបាលទឹកវិល ដើម្បីសាកសួរ ។
នៅចំពោះមុខសម្ថកិច្ច ឈ្មោះ អេត ចៀន បានសារភាពថា ខ្លួនទិញគ្រឿងញៀន (ម៉ាទឹកកក) ចំនួន ០២កញ្ចប់តូច តម្លៃ ៤៥០០០រៀល (បួនម៉ឺនប្រាំពាន់រៀល) ពីឈ្មោះ លិ ភេទប្រុស អាយុ៣០ឆ្នាំ ទីលំនៅភូមិ កំពង់ពោធិ៍ ឃុំក្រាំងយ៉ូវ ស្រុកស្អាង ខេត្តកណ្តាល ។ ជនសង្ស័យរួមនឹងវត្ថុតាងបញ្ជូន មកកាន់អធិការដ្ឋាននគរបាលស្រុកស្អាង ដើម្បីអនុវត្តតាមនីតិវិធី ៕
ចំនួនអ្នកទស្សនា
- ថ្ងៃនេះ1431
- ម្សិលមិញ9421
- សប្តាហ៍នេះ57091
- ខែនេះ172241
- ឆ្នាំនេះ172241
- សរុប20614697