កម្លាំងនគរបាលស្រុកស្អាង ឃាត់មុខសញ្ញាជួញដូរគ្រឿងញៀនម្នាក់
28-August-2017 | ដោយ ពល បញ្ញា
កណ្តាល ៖ មុខសញ្ញាជួញដូរដោយខុសច្បាប់នូវសារធាតុញៀន ២នាក់ត្រូវបានកម្លាំងនគរបាលស្រុកស្អាង ឃាត់ខ្លួនកាលពីថ្ងៃទី២៧ ខែសីហា ឆ្នាំ២០១៧ វេលាម៉ោង ១៦និង២៣នាទី ចំណុចផ្លូវលំក្បែរវត្តធនមន្ត ស្ថិតក្នុងភូមិទួលសុភី ឃុំព្រែកគយ ស្រុកស្អាង ខេត្តកណ្តាល ។
មន្ត្រីនគរបាលស្រុកស្អាងបានឲ្យដឹងថាជនសង្ស័យទី១-ឈ្មោះ ម៉ន ផាន់នី ហៅ ដា ភេទប្រុស អាយុ៣០ឆ្នាំ ជនជាតិ ខ្មែរ មុខរបរ ជាងផ្សារដែក ទីលំនៅភូមិទួលខ្ញួញ ឃុំទឹកវិល ស្រុកស្អាង ខេត្តកណ្តាល និងទី២-ឈ្មោះ ក្តាន់ ខ្មៅ ភេទប្រុស អាយុ២៨ឆ្នាំ ជនជាតិ ខ្មែរ មុខរបរ មិនពិតប្រាកដ ទីលំនៅបច្ចុប្បន្ន ភូមិ ព្រែករាំង ឃុំទឹកវិល ស្រុកស្អាង ខេត្តកណ្តាល (គេចខ្លួន)។
ភស្តុតាងដកហូតបានរួមមាន ៖ ម្សៅក្រាមពណ៌សថ្លា សង្ស័យជាសារធាតុញៀន (ម៉ាទឹកកក) ចំនួន ០៧កញ្ចប់ (ធំ០១កញ្ចប់, មធ្យម ចំនួន០១កញ្ចប់ និងតូចចំនួន ០៥កញ្ចប់), ឧបករណ៌សម្រាប់វេចខ្ចប់ ប្រើប្រាស់មួយចំនួន
ទូរស័ព្ទ ចំនួន ០២គ្រឿង ។
ប្រភពដដែលបន្តមុនពេលកើតហេតុខាងលើ ក្រោយពីទទួលព័ត៌មានពីប្រជាពលរដ្ឋល្អថា មានករណីជួញដូរគ្រឿងញៀន នៅចំណុចខាងលើ ភ្លាមនោះកម្លាំងផ្នែកប្រឆាំងគ្រឿងញៀនស្រុក សហការជាមួយកម្លាំងប៉ុស្តិ៍នគរបាលរដ្ឋបាលព្រែកគយ បានចុះទៅដល់ចំណុចកើតហេតុ បានជួបប្រទះជនសង្ស័យឈ្មោះ ម៉ន ផាន់នី រួចធ្វើការត្រួតពិនិត្យជនសង្ស័យ បានរកឃើញគ្រឿងញៀន ចំនួន ០៤កញ្ចប់ (មធ្យម០១កញ្ចប់, តូច០៣កញ្ចប់) នៅនឹងឈ្មោះ ម៉ន ផាន់នី ហៅ ដា រួចឃាត់ខ្លួនជនសង្ស័យ បញ្ជូនមកអធិការដ្ឋាននគរបាលស្រុកស្អាង ដើម្បីសាកសួរ ។
នៅចំពោះមុខសមត្ថកិច្ចនគរបាល ឈ្មោះ ម៉ន ផាន់នី ហៅ ដា បានសារភាពថា ខ្លួនបានទៅទិញគ្រឿងញៀនចំនួន០១កញ្ចប់ធំ តម្លៃ (ដប់ប្រាំម៉ឺនរៀល) ពីឈ្មោះ ក្តាន់ ខ្មៅ ភេទប្រុស អាយុ២៨ឆ្នាំ នៅចំណុចភូមិព្រែករាំង ឃុំទឹកវិល ស្រុកស្អាង ខេត្តកណ្តាល ដើម្បីយកទៅលក់បន្ត ។
បន្ទាប់មក សមត្ថកិច្ចនគរបាល បន្តទៅដល់រោងចាំចំការរបស់ឈ្មោះ ក្តាន់ ខ្មៅ ប៉ុន្តែឈ្មោះ ក្តាន់ ខ្មៅ បានលោតចូលទឹកបឹងគេចខ្លួនសមត្ថកិច្ចនគរបាល បានចាប់យកថ្នាំញៀន ចំនួន០៣កញ្ចប់ (ធំចំនួន០១កញ្ចប់, តូចចំនួន ០២កញ្ចប់) និងឧបករណ៍វេចខ្ចប់ ប្រើប្រាស់ នៅក្នុងរោងរបស់ជនសង្ស័យ ៕
ចំនួនអ្នកទស្សនា
- ថ្ងៃនេះ1021
- ម្សិលមិញ9421
- សប្តាហ៍នេះ56681
- ខែនេះ171831
- ឆ្នាំនេះ171831
- សរុប20614287