តាមស្រលាញ់មិនបានខឹង ហៅបក្ខពួកបម្រុងកាប់សម្លាប់ តែត្រូវសមត្ថកិច្ចជួយទាន់ពេលវេលា
29-August-2017 | ដោយ ពល បញ្ញា
ភ្នំពេញ ៖ ជនសង្ស័យ ៦នាក់ត្រូវបានកម្លាំងនគរបាលប៉ុស្តិ៍រដ្ឋបាលចោមចៅ ឃាត់ខ្លួនពាក់ព័ន្ធករណីប៉ុនប៉ងមនុស្សឃាត កាលពីថ្ងៃទី២៨ ខែសីហា ឆ្នាំ២០១៧ វេលាម៉ោង១៨និង៣០នាទី នៅចំណុចក្រោយផ្សារវិនម៉ិញ បន្ទប់ជួលលេខ៣៩ ភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ ។
លោកវរសេនីយ៍ឯក យឹម សារ៉ាន់ អធិការខណ្ឌពោធិសែនជ័យបានឲ្យដឹងថាជនសង្ស័យទី១-ឈ្មោះ ព្រាប ណុយ ភេទប្រុស អាយុ២៣ឆ្នាំ មុខរបរបើកបររថយន្តស្នាក់នៅផ្ទះជួល សង្កាត់ស្ទឹងមានជ័យ ខណ្ឌមានជ័យ, ទី២-ឈ្មោះ អម អេ ភេទប្រុស អាយុ១៨ឆ្នាំ មុខរបរមិនពិត ស្នាក់នៅផ្ទះជួលភូមិ ត្រពាំងថ្លឹង សង្កាត់ចោមចៅ១ ខណ្ឌពោធិសែនជ័យ, ទី៣-ឈ្មោះ វ៉េត វ៉ៃ ភេទប្រុស អាយុ ២៣ឆ្នាំ មុខរបរលក់សាច់ជ្រូក ស្នាក់នៅផ្ទះជួលភូមិ ត្រពាំងថ្លឹង សង្កាត់ចោមចៅ១ ខណ្ឌពោធិសែនជ័យ, ចំណែកបក្សពួក៣នាក់ទៀតរត់គេចខ្លួនបាត់។
ចំណែកជនរងគ្រោះឈ្មោះ លី សៀងមួយ ភេទស្រី អាយុ២១ឆ្នាំ មុខរបរកម្មការនីរោងចក្របន្ទប់ជួលលេខ៣៩ ភូមិត្រពាំងថ្លឹង សង្កាត់ចោមចៅ១ ខណ្ឌពោធិសែនជ័យ។សម្ភារៈដកហូតបាន ៖ ដាវ មួយដើម ប្រវែង ០,៧សង្ទីរម៉ែត្រ ដងរុំក្រណាត់ពណ៌ស។
លោកអធិការបន្តថា មុនពេលកើតហេតុជនរងគ្រោះនិងជនសង្ស័យជាមនុស្សស្គាល់គ្នា ដោយជនសង្ស័យបានតាមស្រលាញ់ជនរងគ្រោះ តែជនរងគ្រោះមិនព្រមស្រលាញ់វិញទេ លុះនៅថ្ងៃកើតហេតុ វេលាម៉ោងខាងលើជនរងគ្រោះចេញពីធ្វើការរោងចក្រ មកដល់បន្ទប់ជួលក្រោយផ្សារវិនម៉ិញ បន្ទប់ជួលលេខ៣៩ ភូមិត្រពាំងថ្លឹង សង្កាត់ចោមចៅ១ ខណ្ឌពោធិសែនជ័យ។ ស្រាប់តែជនសង្ស័យដល់បន្ទប់ជនរងគ្រោះដែររួចបានចាក់សោរបន្ទប់ពីខាងក្រៅនិងតេហៅបក្សពួករបស់ខ្លួន ៥នាក់ទៀតមានដាវ១ដើមបម្រុងកាប់អ្នកជួយជនរងគ្រោះ រួចក៏មានអ្នកជិតខាងឃើញបានរាយការណ៍មកសមត្ថកិច្ច ចុះទៅដល់កន្លែងកើតហេតុធ្វើការឃាត់ខ្លួនជនសង្ស័យចំនួន៣នាក់រួមនិងវត្ថុតាងដាវចំនួន១ដើមយកមកប៉ុស្តិ៍នគរបាលចោមចៅធ្វើការសាកសួរ ចំណែកជនសង្ស័យ៣នាក់ទៀតរត់គេចខ្លួនបាត់អស់ ដោយឡែកជនរងគ្រោះត្រូវសន្លប់ ក្នុងបន្ទប់កឹបសោរពីក្រៅ ហើយត្រូវបានបងប្អូននាំយកទៅសង្គ្រោះនៅមន្ទីរពេទ្យព្រះកុសមៈ(ពេទ្យលោកសង្ឃ)។ បើតាមការបញ្ជាក់ពីគ្រូពេទ្យបានឲដឹងថា ជនរងគ្រោះសន្លប់ព្រោះលេបថ្នាំក្រពះច្រើនពេក។
បច្ចុប្បន្នជន សង្ស័យទាំង៣នាក់រួមនិងវត្ថុតាងបញ្ជូនមកឃុំខ្លូនបណ្តោះអាសន្ននៅផ្នែកជំនាញនគរបាលយុត្តិធម៌នៃអធិការដ្ឋាននគរបាលខណ្ឌពោធិសែនជ័យន ចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ1251
- ម្សិលមិញ9421
- សប្តាហ៍នេះ56911
- ខែនេះ172061
- ឆ្នាំនេះ172061
- សរុប20614517