ចេញពីក្លឹប ត្រូវក្រុមចោរកាប់ប្លន់ បណ្តាលឲ្យស្លាប់ម្នាក់និងរបួសស្រាលម្នាក់ នៅសង្កាត់ចោមចៅ
29-August-2017 | ដោយ ពល បញ្ញា
ភ្នំពេញ ៖ បុរសម្នាក់ត្រូវបានស្លាប់ខណៈពេលបញ្ជូនទៅដល់មន្ទីរពេទ្យ និងមិត្តភក្តិម្នាក់ទៀតរបួសស្រាល ក្នុងករណីកាប់ប្លន់យកម៉ូតូ។ ហេតុការណ៍កាប់ប្លន់ដោយមិនញញើតសមត្ថកិច្ចនេះបានកើតឡើងនៅថ្ងៃទី២៩ ខែសីហា ឆ្នាំ២០១៧ វេលាម៉ោង១៥នឹង៣០នាទី ស្ថិតនៅចំណុចសាលាបង្រៀនបើកបររថយន្តដៃចំណាប់ ជិតសាលាជម្ពូវ័ន្តនឹងជិតសាលាអន្តជាតិចោមចៅ ភូមិព្រៃព្រីងខាងជើង សង្កាត់ចោមចៅ ខណ្ឌពោធិសែនជ័យ។
លោកវរសេនីយ៍ យឹម សារ៉ាន់ អធិការខណ្ឌពោធិសែនជ័យ បានឲ្យដឹងថាជនរងគ្រោះទី១-ឈ្មោះ ឆោម វ៉ាន់ឆៃ ភេទប្រុស អាយុ២២ឆ្នាំ(របួសស្រាល) មុចខរបរអ្នកអរឌ័រ មានទីលំនៅភូមិត្រឡោកបែក សង្កាត់ទឹកល្អក់១ ខណ្ឌទួលគោក ជាអ្នកបើកម៉ូតូ និងម្នាក់ទៀតឈ្មោះ ហេង ហ៊ត ភេទប្រុស អាយុ១៩ឆ្នាំ (ស្លាប់) មុខរបរជា អ្នករត់តុនៅក្នុងខារ៉ាអូខេម៉ូម៉ូ ស្នាក់នៅផ្ទះជួលក្នុង សង្កាត់បឹងកេងកង១ ខណ្ឌចំការមន រាជធានីភ្នំពេញ នឹងមានស្រុកកំណើតនៅភូមិបងបក់ ឃុំប្រាសាទ ស្រុកកំពង់ត្រាច ខេត្តកំពត ទាំង២នាក់ជិះម៉ូតូមួយគ្រឿងម៉ាក Lets ពណ៌ស ពាក់ស្លាកលេខ ភ្នំពេញ 1CS-2728 ។
លោកអធិការបន្តថា មុនពេលកើតហេតុជនរងគ្រោះចេញពីក្លឹបរាំកំសាន្ត(អាវ៉ាលន) ជិះម៉ូតូមកចាក់សាំងជិតក្លឹបនោះ ពេលចេញពីការ៉ាស់សាំង ក្រុមជនល្មើសក៏ជិះម៉ូតូប្រហែល៦ទៅ៦គ្រឿង មានគ្នាប្រហែលជា១០នាក់ គប់ដុំថ្មមកលើជនរងគ្រោះ ក៏ជនរងគ្រោះដឹងខ្លួនបើកម៉ូតូរត់គេចរហូតមកដល់ចំណុចកើតហេតុខាងលើ ក៏ជនល្មើសបានកាប់ជនរងគ្រោះ មួយកាំបិតនឹងដួលម៉ូតូ ហើយជនរងគ្រោះម្នាក់ របួសធ្ងន់ហើយបញ្ជូនទៅដល់មន្ទីរពេទ្យក៏ស្លាប់ នឹងម្នាក់ទៀតបានរត់គេចខ្លួនរងរបួសស្រាល។
ចំណែកជនសង្ស័យទី១-ឈ្មោះ វេង វាសនា ភេទប្រុស អាយុ១៧ឆ្នាំ មុខរបរមិនពិតប្រាកដ មានទីលំនៅផ្ទះជួលភូមិគោកចំបក់ សង្កាត់ចោមចៅ ខណ្ឌពោធិសែនជ័យ, ទី២-អ៊ឹម ចាន់រតនា ភេទប្រុស អាយុ១៧ឆ្នាំ មុខរបរនៅផ្ទះ មានទីលំនៅភូមិចំការឪឡឹក សង្កាត់កាកាប ខណ្ឌពោធិសែនជ័យ, ទី៣-ឈ្មោះ ទេព សៀងហៃ ភេទប្រុស អាយុ១៨ឆ្នាំ មុខរបរជាងសាឡុង មានទីលំនៅព្រៃទំលាប់ ឃុំបែកចាន ស្រុកអង្គស្នួល ខេត្តកណ្តាល, ទី៤-ឈ្មោះ កង ស៊ីធាន ភេទប្រុស អាយុ១៨ឆ្នាំ មុខរបរនៅផ្ទះ មានទីលំនៅភូមិតាងួន , ទី៥-ឈ្មោះ បូ សុខបញ្ញា ភេទប្រុស អាយុ១៧ឆ្នាំ មុខរបរមិនពិតប្រាកដ មានទីលំនៅ ភូមិគោកចំបក់ សង្កាត់ចោមចៅ ខណ្ឌពោធិសែនជ័យ, និងទី៦-ឈ្មោះ សុខវ៉ាន់សុ ធារិទ្ឋ ភេទប្រុស អាយុ១៨ឆ្នាំ មុខរបរមិនពិតប្រាកដ មានទីលំនៅភូមិ តាងួន សង្កាត់ចោមចៅ ខណ្ឌពោធិសែនជ័យ។
យោងតាមការពិនិត្យពីការិយាល័យវិទ្យាសាស្ត្របច្ចេកទេស បានឲ្យដឹងថាជនរងគ្រោះមានៈ ស្នាមរបួសដាច់រយះនៅលើចំហៀងក្បាលខាងឆ្វេងចំនួន ២កន្លែងផុងដល់លលាក្បាល, ស្នាមរបួសដាច់រយះនៅចុងកន្ទុយភ្នែកខាងឆ្វេង មួយកន្លែង, ស្នាមរបួសដាច់រយះនៅកដៃខាងឆ្វេង ផ្នែកខាងក្រៅ ជម្រៅដល់ឆ្អឹងកដៃ, នៅម្រាមដៃឆ្វេងមានស្នាមកាប់ដាច់ ម្រាមដៃមេនឹងចង្អុលដៃនឹង ដៃកណ្ដាលនៅជាប់បន្តិច។ បច្ចុប្បន្នសមត្ថកិច្ចកំពុងស្វែងរកចាប់ខ្លួនបក្ខពួកដែលនៅសេសសល់យកមកផ្តន្ទាទោសតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ1101
- ម្សិលមិញ9421
- សប្តាហ៍នេះ56761
- ខែនេះ171911
- ឆ្នាំនេះ171911
- សរុប20614367