ផ្ទុះធុងហ្គាសនៅប្រទេសថៃ របួសពីរនាក់ និងស្លាប់ម្នាក់មើលលែងយល់
30-August-2017 | ដោយ ពល បញ្ញា
ថៃ ៖ ជនរងគ្រោះម្នាក់ក្នុងចំណោមមនុស្សចំនួន៣នាក់ដែលជាបុគ្គលិកបម្រើការនៅក្នុងរោងចក្រផលិតហ្គាស ( កាបោនឌីអុកស៊ីត ) នៅប្រទេសថៃ បានស្លាប់ភ្លាមៗ ខណៈដែលពួកគេកំពុងរំកិលធុងហ្គាសចេញពីរោងចក្រដើម្បីលើកឡើងទៅលើរថយន្តក្នុងការដឹកជញ្ជូនយកទៅចែកចាយហើយក៏មានធុងមួយដួលរលំថែមទាំងរបូតវ៉ានចេញពីក្បាលធុង ធ្វើអោយធុងនោះផ្ទុះឡើងតែម្តង។
ហេតុការដ៏គួរអោយរន្ធត់ និងធ្វើអោយមានការភ្ញាក់ផ្អើលនេះ បានកើតឡើងកាលពីវេលាម៉ោង១០និង៥០នាទីព្រឹក ថ្ងៃទី២៩ ខែសីហាឆ្នាំ២០១៧ ត្រង់ចំណុចខាងមុខរោងចក្រផលិតហ្គាសមួយកន្លែងយីហោ « ហ្គាសភីស្នុលោក » ដែលមានទីតាំងផ្ទះលេខ៤០១/៥៥ ក្នុងភូមិ៣ ឃុំអារញ្ញញឹក ស្រុកមឿងភីស្នុលោក ខេត្តភីស្នុលោកប្រទេសថៃ ជិតព្រំដែនភូមា។
នៅក្នុងខណៈនោះដែរ គេសង្កេតឃើញមាន ខាងអាជ្ញាធរស្រុក ក៏ដូចជាកម្លាំងសមត្ថកិច្ចពិសេសគឺក្រុមបង្ការ ពន្លត់អគ្គីភ័យ នៅក្នុងតំបន់នោះ ព្រមទាំងមានវត្តមានរបស់លោក វុទ្ធី សេដ្ឋ ក្រៃលើត សោភ័ណ អ្នកគ្រប់គ្រងរោងចក្រផងដែរ បានចុះទៅកន្លែងកើតហេតុដើម្បីត្រួតពិនិត្យ និងសិក្សាអំពីបញ្ហានេះ ។
យោងតាមប្រភពមួយចំនួនដែលជាបុគ្គលិកដូចគ្នាបាននិយាយថានៅមុនពេលកើតហេតុគេឃើញបុគ្គលិកម្នាក់ឈ្មោះ សុជាតិ ប្រាក់សានកែវ ភេទប្រុស អាយុ៣៥ឆ្នាំ បានធ្វើការរំកិលធុងហ្គាសចេញពីរោងចក្រដើម្បីលើកឡើងទៅលើរថយន្ត គឺនៅពេលនោះក៏មានធុងមួយបានដួលរលំ ហើយក៏បានរបូតវ៉ានចេញពីក្បាលធុង បណ្តាលអោយផ្ទុះធុងនោះឡើង ធ្វើអោយបុគ្គលិកម្នាក់នេះស្លាប់ភ្លាមៗក្នុងលក្ខណៈដាច់ដៃ ដាច់ជើងនិងធ្លាយពោះថែមទៀតផង ចំណែកបុគ្គលិកពីរនាក់ទៀតដែលនៅឆ្ងាយក៏បានរងរបួសផងដែរ ព្រមទាំងបានបញ្ជូនទៅកាន់មន្ទីរពេទ្យដើម្បីសង្គ្រោះ ។
ក្រោយពេលកើតហេតុទាំងកម្លាំងសមត្ថកិច្ចជំនាញ ក៏ដូចជាខាងអាជ្ញាធរ និងភាគីថ្នាក់ដឹកនាំរោងចក្រ បាននាំគ្នាសិក្សានិងត្រួតពិនិត្យដើម្បីស្វែងរកការពិតថា ហេតុអ្វីបានជាក្បាលវ៉ានអាចរបូតបានយ៉ាងងាយបែបនេះ ៕
ចំនួនអ្នកទស្សនា
- ថ្ងៃនេះ1231
- ម្សិលមិញ9421
- សប្តាហ៍នេះ56891
- ខែនេះ172041
- ឆ្នាំនេះ172041
- សរុប20614497