ប៉ុស្តិ៍នគរបាលរដ្ឋបាលចតុមុខបង្ក្រាបឃាត់ខ្លួនជនសង្ស័យបាន១នាក់ពីបទឆក់ខ្សែកជនបរទេស
01-September-2017 | ដោយ ពល បញ្ញា
ភ្នំពេញ ៖ កាលពីថ្ងៃទី៣១ ខែសីហា ឆ្នាំ២០១៧ វេលាម៉ោង១៦និង៣០នាទី កម្លាំងប៉ុស្តិ៍នគរបាលរដ្ឋបាលចតុមុខនៃអធិការដ្ឋាននគរបាលខណ្ឌដូនពេញ បានឃាត់ខ្លួនជនសង្ស័យម្នាក់ ក្នុងចំណោមបក្ខពួក ២នាក់ ពីបទ ឆក់ខ្សែក នៅផ្លូវព្រះនរោត្តម ច្រកចូលផ្ទះស្ថានទូតអាមេរិក ភូមិទី៣ សង្កាត់ចតុមុខ ខណ្ឌដូនពេញ រាជធានីភ្នំពេញ។
សមត្ថកិច្ចបានឲ្យដឹងថាជនសង្ស័យត្រូវឃាត់ខ្លួន មានឈ្មោះ មាស រតនា ហៅខ្មៅ ភេទប្រុស អាយុ២៣ឆ្នាំ ជនជាតិខ្មែរ មុខរបរមិនប្រាកដ មានទីលំនៅផ្ទះលេខ៥៧ ផ្លូវលេខ៥០ ភូមិសំបូរ សង្កាត់ដង្កោ ខណ្ឌដង្កោរាជធានីភ្នំពេញ។
វត្ថុតាងចាប់យកបានៈ មានម៉ូតូមួយគ្រឿងម៉ាកNEX ពណ៌សលាយខៀវ គ្មានស្លាកលេខ លេខម៉ាស៊ីន៥២៣២៨២៥៦។ ជនរងគ្រោះ ឈ្មោះLUKASZ. CHUDY ភេទប្រុស អាយុ៤០ឆ្នាំ ជនជាតិហូឡង់ មុខរបរទេសចរណ៍ ស្នាក់នៅសណ្ឋាគារសុខា ផ្លូវកែវចិន្តា សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ កាន់លិខិតឆ្លងដែនលេខEG6001652។ សម្ភារៈបាត់បង់មាន៖ ខ្សែកផ្លាកទីនពណ៌សមួយខ្សែ តំលៃ៤០០០ដុល្លា។
បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលខណ្ឌដូនពេញ ដើម្បីសាកសួរ និងកសាងសំណុំរឿងបញ្ជូនទៅ សាលាដំបូងរាជធានីភ្នំពេញ ចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ1011
- ម្សិលមិញ9421
- សប្តាហ៍នេះ56671
- ខែនេះ171821
- ឆ្នាំនេះ171821
- សរុប20614277