នគរបាលខណ្ឌ៧មករាល្បាតបង្ក្រាបឃាត់ខ្លួនជនសង្ស័យបាន៣នាក់ពីបទប្រើប្រាស់គ្រឿងញៀន
01-September-2017 | ដោយ ពល បញ្ញា
ភ្នំពេញ ៖ កាលពីថ្ងៃទី៣១ ខែសីហា ឆ្នាំ២០១៧ ម៉ោង០១ និង៣០នាទី កម្លាំងល្បាតអធិការដ្ឋាននគរបាលខណ្ឌ៧មករា បានឃាត់ខ្លួនជនសង្ស័យប្រើប្រាស់គ្រឿងញៀនចំនួន៣នាក់ នៅអាគារ Fចាស់ ជាន់ទី២ ផ្លូវ២១១ ភូមិ១២ សង្កាត់វាលវង់ ខណ្ឌ៧ មករា។សមត្ថកិច្ចបានឲ្យដឹងថាជនសង្ស័យ ទី១-ឈ្មោះ សូ កក្កដា ភេទប្រុស អាយុ ៣១ឆ្នាំ មុខរបររត់តុនៅហាងសមុទ្ររីករាយទីលំនៅ ផ្ទះលេខ១៤ ជាន់ទី៥ អាគារទី៦ ផ្លូវ ២១១ ភូមិ១២ សង្កាត់វាលវង់ ខណ្ឌ៧មករា, ទី២-ឈ្មោះ រុន ពន្លឺថ ភេទប្រុស អាយុ៣៦ឆ្នាំ មុខរបរជួយលក់បាយម្តាយ ទីលំនៅផ្ទះលេខ ១០៣អឺ០ ផ្លូវ ១០៨ សង្កាត់ វត្តភ្នំ ខណ្ឌ ដូនពេញ, និងទី៣-ឈ្មោះ នួន សេដ្ឋា ភេទ ប្រុស អាយុ ៣២ ឆ្នាំ មុខរបរ និង ទីលំនៅ មិនពិតប្រាកដ។
សម្ភារៈដកហូតមាន ៖ ដបតូចចោះរុនដាក់ទុយោ១, ដែកកេះ១, បំពង់ទុយោ១, កាំបិតដងលឿង១។
បច្ចុប្បន្នជនសង្ស័យនិងវត្ថុតាងកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌ៧មករា ដើម្បីសាកសួរ និងកសាងសំណុំរឿងចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ1151
- ម្សិលមិញ9421
- សប្តាហ៍នេះ56811
- ខែនេះ171961
- ឆ្នាំនេះ171961
- សរុប20614417