ជនសង្ស័យចំនួន៣នាក់ ចែកចាយនិងប្រើប្រាស់សារធាតុញៀន ត្រូវនគរបាលស្រុកបង្ក្រាប
02-September-2017 | ដោយ ពល បញ្ញា
ឧត្តរមានជ័យ ៖ កាលពីថ្ងៃទី០១ ខែកញ្ញា ឆ្នាំ២០១៧ វេលាម៉ោង៣និង១៥នាទីរសៀល លោកវរសេនីយ៍ទោ អិន កាយ អធិការនគរបាលស្រុកត្រពាំងប្រាសាទដឹកនាំកម្លាំង១១នាក់ ចុះបង្ក្រាបករណីចែកចាយនិងប្រើប្រាស់នូវសារធាតុ ញៀន មួយករណីនៅចំណុចក្រោយផ្សារត្រពាំងប្រាសាទ ភូមិត្រពាំងប្រាសាទ ឃុំត្រពាំងប្រាសាទ ស្រុកត្រពាំងប្រាសាទ។
ក្នុងប្រតិបត្តិការ នោះបានធ្វើការឃាត់ខ្លួនជនសង្ស័យចំនួន ០៣នាក់រួមមានទី១-ឈ្មោះ ជាតិ សម្បត្តិ ភេទប្រុស អាយុ ២៩ឆ្នាំ រស់នៅភូមិអូរល្ហុង ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ ទី២-ឈ្មោះ សំ សុវណ្ណ នី ភេទប្រុស អាយុ២២ឆ្នាំ រស់នៅភូមិភ្នំក្លែង ឃុំព្រៃ ស្លឹក ស្រុកត្រាំង ខេត្តតាកែវ និងទី៣-ឈ្មោះ អ៊ុយ ផាន់ ណា ភេទប្រុស អាយុ ២០ឆ្នាំ រស់នៅភូមិត្រពាំងប្រាសាទ ឃុំត្រពាំងប្រាសាទ ស្រុកត្រពាំងប្រាសាទ។
វត្ថុតាងឆែកឆេរដកហូតបានរួមមាន៖ ថ្នាំញៀនប្រភេទម៉ាទឹកកក(lCE)ចំនួន១០កញ្ចប់តូច, ទូរស័ព្ទដៃចំនួន ០៤គ្រឿង, អត្តសញ្ញាណបណ្ណចំនួន 0៣សន្លឹក, ម៉ូតូ ០២ គ្រឿង, លុយខ្មែរចំនួន៣៣៥០០៛ លុយបាតចំនួន ១០០បាត។
បច្ចប្បន្នជនសង្ស័យរួមនិងវត្ថុតាងកម្លាំងជំនាញកំពុងសាកសួរ និងកសាងសុំណុំរឿងតាមនិតិវិធី ៕
ចំនួនអ្នកទស្សនា
- ថ្ងៃនេះ2511
- ម្សិលមិញ9421
- សប្តាហ៍នេះ58171
- ខែនេះ173321
- ឆ្នាំនេះ173321
- សរុប20615777