បើកបរក្នុងស្ថានភាពងងុយដេក បង្កគ្រោះថ្នាក់របួសធ្ងន់ស្រាល៥នាក់ នៅស្រុកបារាយណ៍
04-September-2017 | ដោយ ពល បញ្ញា
ភ្នំពេញ ៖ មនុស្សប្រុស-ស្រី ៥នាក់បានរងរបួសធ្ងន់ស្រាលក្នុងករណីគ្រោះថ្នាក់ចរាចរណ៍រវាងរថយន្តបុកជាមួយរថយន្តក្នុងទិសដៅបញ្ច្រាសគ្នា នៅថ្ងៃទី៤ ខែកញ្ញា ឆ្នាំ២០១៧ វេលាម៉ោង៨និង១០នាទី នៅលើផ្លូវជាតិលេខ៦ ចន្លោះគីឡូម៉ែត្រលេខ១២០-១២១ ស្ថិតក្នុងភូមិត្រពាំងឈូក ឃុំបឹង ស្រុកបារាយណ៍ ខេត្តកំពង់ធំ។
លោកវរសេនីយ៍ទោ រុំ សុវិជ្ជា ប្រធានការិយាល័យចរាចរផ្លូវគោកខេត្តកំពង់ធំ បានឲ្យដឹងថាមុនពេលកើតហេតុមានរថយន្តមួយគ្រឿងម៉ាក ហ៊ីយ៉ានដាយ ពណ៌ស ពាក់ស្លាក់លេខ 3A-7975 ភ្នំពេញ បើកបរពីត្បូងទៅជើង អ្នកបើកបរមិនស្គាល់អត្តសញ្ញាណ គេចខ្លួនបាត់ក្រោយពេលកើតហេតុ ពេលមកដល់កន្លែងលើបានបុកជាមួយរថយន្តម៉ាកសាំយ៉ុង ពណ៌ទឹកប្រាក់ ពាក់ស្លាកលេខ 2Z-5954 ភ្នំពេញ បើកបរពីជើងទៅត្បូង ដោយឈ្មោះ សែម ដារ៉ា ភេទប្រុស អាយុ៤១ឆ្នាំ នៅភូមិវាំង ឃុំតាំងក្រសាំង ស្រុកសន្ទុក ខេត្តកំពង់ធំ និងមានអ្នករួមដំណើរលើរថយន្តទី១-ឈ្មោះ ញ៉េ សុខ ភេទស្រី អាយុ១៨ឆ្នាំ របួសបែកថ្ងាសស្តាំ, ទី២-ឈ្មោះ អិត ស្រីអូន ភេទស្រី អាយុ៣៤ឆ្នាំ របួសដាច់សាច់ត្រចៀកឆ្វេង, ទី៣-ឈ្មោះ ហៀក ដានី ភេទស្រី អាយុ៣២ឆ្នាំ របួសពកក្បាលចំហៀងឆ្វេង, និងទី-ឈ្មោះអ៊ុក សាវឿន ភេទស្រី អាយុ៤៩ឆ្នាំ របួសឈឺក្បាលឈឺក។ អ្នកទាំង ៤ស្នាក់នៅ ភូមិ ឃុំ ជាមួយអ្នកបើកបររថយន្ត សាំយ៉ុងខាងលើ ។
លោកប្រធានការិយាល័យបន្តថា មូលហេតុដែលបណ្តាលឲ្យមានគ្រោះថ្នាក់មកពីអ្នកបើកបរថយន្ត ហ៊ីយ៉ានដាយ បើកបរក្នុងស្ថានភាពងងុយដេកបានរេចង្កូតមកខាងឆ្វេងវិញបានក្រឡាប់នៅកណ្តាលថ្នល់មកប៉ះជាមួយរថយន្តសាំយ៉ុងមកពីទិសផ្ទុយគ្នា។
ក្រោយកើតហេតុកម្លាំងជំនាញបានចុះដល់កន្លែងកើតហេតុនិងបានវាស់វែងយកមធ្យោបាយពាក់ព័ន្ធយកមករក្សាទុកនៅអធិការស្រុកបារាយណ៍ដើម្បីចាត់ការតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ2241
- ម្សិលមិញ9421
- សប្តាហ៍នេះ57901
- ខែនេះ173051
- ឆ្នាំនេះ173051
- សរុប20615507