ជិះម៉ូតូបុកគ្នារបួសធ្ងន់ស្រាល៣នាក់ នៅស្រុកវែលវែង
06-September-2017 | ដោយ ពល បញ្ញា
ពោធិសាត់ ៖ យ៉ាងហោចណាស់មនុស្សប្រុសស្រី៣នាក់រងរបួសធ្ងន់ស្រាលដោយករណីគ្រោះថ្នាក់ចរាចរណ៍មួយកើតឡើងនៅវេលាម៉ោង១៨និង២៥នាទីរសៀលថ្ងៃទី៥ ខែកញ្ញា ឆ្នាំ២០១៧ រវាងម៉ូតូហុងដាទ្រីមនិងម៉ូតូម៉ាកវ៉េវ ស្ថិតត្រង់ចំណុចភូមិប្រម៉ោយ ឃុំប្រម៉ោង ស្រុកវាលវែង ខេត្តពោធិសាត់។
សាក្សីនៅកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់ជិះម៉ូតូធុនហុងដាទ្រីម ពណ៌ខ្មៅ គ្មានស្លាកលេខ ធ្វើដំណើរពីលិលចទៅកើតមកដល់ចំណុចខាងលើបានបុកជាមួយម៉ូតូម៉ាកវ៉េវ ពណ៌ក្រហម គ្មានស្លាកលេខធ្វើដំណើរពីកើតទៅលិច (ច្រាសទិសគ្នា) បណ្តាលឲ្យអ្នកបើកបរនិងអ្នករួមដណើររងរបួសធ្ង់ស្រាល ៣នាក់។
សមត្ថកិច្ចនគរបាលចរាចរណ៍ស្រុកវាលវែងម្នាក់បានឲ្យដឹងថា ជនរងគ្រោះត្រូវបានគេស្គាល់អត្តសញ្ញាណទី១-ឈ្មោះគង់ ភន ភេទប្រុស អាយុ២៥ឆ្នាំ របួសធ្ងន់ ទី២-ឈ្មោះ ចំរើន សុខឃៀង ភេទប្រុស អាយុ២៦ឆ្នាំ របួសធ្ងន់ អ្នកទាំងពីររស់នៅភូមិកណ្តាល ឃុំអន្លង់រាប ស្រុកវាលវែង ខេត្តពោធិសាត់និងទី៣-ឈ្មោះផុន ផល្លា ភេទស្រី អាយុ១៨ឆ្នាំ រស់នៅភូមិឯកភាព ឃុំថ្មដា ស្រុកវាលវែង ខេត្តពោធិសាត់ អ្នករួមដំណើររបួសស្រាល ។
ប្រភពដដែរបានបន្តថា ក្រោយពេលកើតហេតុ ជនរងគ្រោះត្រូវបានបញ្ជូនមកសង្គ្រោះនៅមន្ទីរពេទ្យខេត្តពោធិសាត់ ចំណែកម៉ូតូទាំងពីរគ្រឿងសមត្ថកិច្ចយកមករក្សាទុកនៅអធិការដ្ឋាននគរបាលស្រុកដើម្បីកសាងសំណុំរឿងតាមនិតិវិធី៕
ចំនួនអ្នកទស្សនា
- ថ្ងៃនេះ3931
- ម្សិលមិញ3811
- សប្តាហ៍នេះ17511
- ខែនេះ212111
- ឆ្នាំនេះ212111
- សរុប20654567