កុមាររងគ្រោះម្នាក់ទៅលេងទឹកស្ទឹងរអិលជើងធ្លាក់ចូល រណ្តៅជម្រៅលង់ស្លាប់នៅស្រុកកណ្រៀង
07-September-2017 | ដោយ ពល បញ្ញា
ពោធិសាត់ ៖ កុមាររងគ្រោះម្នាក់រត់ពីផ្ទះទៅលេងទឹកស្ទឹងរអិលជើងធ្លាក់ចូល រណ្តៅជម្រៅលង់ស្លាប់នៅចំណុចស្ទឹងពោធិសាត់ ស្ថិតក្នុងភូមិបង្គោល ឃុំកណ្តៀង ស្រុកកណ្តៀង ខេត្តពោធិសាត់។ ឧបទ្ទវហេតុនេះកើតឡើងកាលពីវេលាម៉ោង១៦និង៥០នាទីរសៀលថ្ងៃទី៦ ខែកញ្ញា ឆ្នាំ២០១៧។
ប្រពភព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុជនរងគ្រោះឈ្មោះ លន វីរ៉ា ភេទប្រុស អាយុ១០ឆ្នាំ រស់នៅភូមិឃុំកើតហេតុខាងលើបានរត់ទៅលេងទឹកស្ទឹងជាមួយក្មេងៗកូនអ្នកស្រុក មួយសន្ទុះក្រោយមកស្រាប់តែក្មេងដែលទៅលេងជាមួយ រត់មកស្រាប់ឪពុកម្តាយ កុមាររងគ្រោះ ថាឈ្មោះលន វីរ៉ា បានលង់ទឹកស្ទឹង ឪពុកម្តាយនិងអ្នកស្រុកបានរត់ទៅរាវរកកន្លែងដែលកុមាររងគ្រោះទៅលេងទឹកប្រទះឃើញកុមាររងគ្រោះស្លាប់ក្នុងរណ្តៅមានទឹកជ្រៅ ក៏ស្រង់យកមកកាន់លំនៅដ្ឋានតែម្តង។
សមត្ថកិច្ចមូលដ្ឋានបានឲ្យដឹងថា កុមាររងគ្រោះឈ្មោះលន វីរ៉ា ពិតជាបានទៅលេងទឹកស្ទឹងជាមួយក្មេងៗកូនអ្នកស្រុកលង់ទឹកស្លាប់មែន កក្តានេះបណ្តាលមកពីឪពុកម្តាយគ្មានការប្រុងប្រយ័ត្នទើបបណ្តាលឲ្យស្លាប់បែបនេះ ៕
ចំនួនអ្នកទស្សនា
- ថ្ងៃនេះ3991
- ម្សិលមិញ3811
- សប្តាហ៍នេះ17571
- ខែនេះ212171
- ឆ្នាំនេះ212171
- សរុប20654627