នគរបាលស្រុកបាកានចាប់ក្របួចករជនសង្ស័យម្នាក់ពាក់ព័ន្ធករណីជួញដូរគ្រឿងញៀនខុសច្បាប់
07-September-2017 | ដោយ ពល បញ្ញា
ពោធិសាត់ ៖ បុរសម្នាក់ត្រូវបានសមត្ថកិច្ចចាប់ឃាត់ខ្លួននៅវេលាម៉ោង១៨និង៥០នាទីនាថ្ងៃទី៦ ខែកញ្ញា ឆ្នាំ២០១៧ ត្រង់ចំណុចផ្លូវលោក ស្ថិតក្នុងភូមិក្រសាំងគ្រួ ឃុំបឹងខ្នា ស្រុកបាកាន ខេត្ត យកមកកាន់អធិការដ្ឋាននគរបាលស្រុកដើម្បីធ្វើការសាកសួរ។
សមត្ថកិច្ចនគរបាលមូលដ្ឋានលោកវរសេនីយ៍ទោ នាង វុធ អធិការស្រុកបាកានបានប្រាប់ឲ្យដឹងថា ការចាប់ខ្លួនជនសង្ស័យឈ្មោះព្រាប ធីណា ភេទប្រុស អាយុ៣១ឆ្នាំ រស់នៅភូមិឃុំខាងលើគឺសមត្ថកិច្ចធ្វើឡើងតាមការល្បាតកម្លាំងដើម្បីការពារមូលដ្ឋានដោយសហការណ៍ជាមួយកម្លាំងការពារសហគមន៍ ខណៈពេលសមត្ថកិច្ចល្បាតដល់ចំណុចផ្លូវលោក ប្រទះឃើញជនសង្ស័យព្រាប ធីណា ឈរក្បែរម៉ូតូរបស់ខ្លួនម៉ាកបុកស័រ ពណ៌ក្រហម ជនសង្ស័យ ក្រោយពីឃើញសមត្ថកិច្ចមានអាកប្បកិរិយាមិនប្រក្រតី ខុសពីពលរដ្ឋដទៃ ក៏ធ្វើការពិនិត្យរកឃើញថ្នាំញៀនប្រភេទម៉ាទឹកកដែលជនសង្ស័យដាក់ក្នុងកែបម៉ូតូចំនួន៩ កញ្ចប់តូច ដកហូតម៉ូតូដែលជនសង្ស័យធ្វើសកម្មភាពចែកចាយសារធាតុញៀនខុសច្បាប់ចំនួន១គ្រឿង យកមកកាន់អធិការដ្ឋាននគរបាលស្រុក។
ក្រោយពេលសមត្ថកិច្ចចាប់ឃាត់ខ្លួន ជនសង្ស័យឈ្មោះព្រាប ធីណាបានសារភាពប្រាប់សមត្ថកិច្ចថាថ្នាំញៀន០៩កញ្ចប់នេះគឺជាថ្នាំរបស់ខ្លួនយកមកលក់បន្ត ក្រោយពីបានស្តាប់ចម្លើយសារភាពរបស់ជនសង្ស័យសមត្ថកិច្ចដើម្បីកសាងសំណុំរឿងចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ3961
- ម្សិលមិញ3811
- សប្តាហ៍នេះ17541
- ខែនេះ212141
- ឆ្នាំនេះ212141
- សរុប20654597