ម៉ូតូ២គ្រឿងបុកគ្នាពេញទំហឹងបណ្តាលស្លាប់ម្នាក់និងរបួសធ្ងន់៣នាក់នៅស្រុកអូរជ្រៅ
07-September-2017 | ដោយ ពល បញ្ញា
បន្ទាយមានជ័យ ៖ ម៉ូតូ ២គ្រឿងបុកគ្នាពេញទំហឹងបណ្តាលស្លាប់ម្នាក់និងរបួសធ្ងន់ ៣នាក់ដែលកើតឡើងនៅវេលាម៉ោង៧និង៣០ នាទីព្រឹក ថ្ងៃទី០៦ ខែកញ្ញា ឆ្នាំ២០១៧ នៅតាមបណ្តោយផ្លូវជាតិលេខ៥៨ ស្ថិតភូមិប្រាសាទ ឃុំអូរបីជាន់ស្រុកអូរជ្រៅ។
មន្ត្រីនគរបាលចរាចរណ៍ស្រុកអូរជ្រៅបានប្រាប់ថា ជនរងគ្រោះដែលស្លាប់ម្នាក់មាន ទី១-ឈ្មោះ ឃាន ផាត់ ភេទប្រុស អាយុ៥៨ឆ្នាំ (ត្រូវជាប្តី) របួសធ្ងន់៣នាក់ ទី២-ឈ្មោះ សឿន សឿ ភេទស្រី អាយុ៦០ឆ្នាំ(ត្រូវជាប្រពន្ធដែលស្លាប់) ទី៣-ឈ្មោះ ផល វ៉ាឃីម ភេទប្រុស អាយុ១៤ឆ្នាំ ទី៤-ឈ្មោះ ស្នា ថា ភេទប្រុស អាយុ១៥ឆ្នាំ ជនរងគ្រោះទាំង៤នាក់ រស់នៅភូមិជោគជ័យ ឃុំអូរបីជាន់ ស្រុកអូរជ្រៅ។
មន្ត្រីនគរបាលបានបញ្ជាក់ថា នៅពេលដែលគ្រោះថ្នាក់ចរាចរណ៍កើតឡើងគឺជនរងគ្រោះឈ្មោះ ផល វ៉ាឃីម បានជិះម៉ូតូ ១គ្រឿងម៉ាក់MSX គ្មានស្លាក់លេខបានឌុបជនរងគ្រោះឈ្មោះ ស្នា ថា បើកបរម៉ូតូតាមបណ្តោយផ្លូវជាតិលេខ ៥៨ក្នុងល្បឿនលឿនបានទៅបុកម៉ូតូ១គ្រឿង ម៉ាក់ហុងដាគ្មានស្លាក់លេខដូចគ្នាបុកពេញទំហឹងបណ្តាលស្លាប់ឈ្មោះ ឃាន ផាត់ និងកន្លែងកើតហេតុហើយបណ្តាលរបួសធ្ងន់ឈ្មោះ សឿត សឿ ដែលត្រូវជាប្រពន្ធរបួសធ្ងន់។
មន្ត្រីនគរបាលចរាចរណ៍ស្រុកអូរជ្រៅបានបញ្ជាក់ថា មូលហេតុដែលគ្រោះថ្នាក់ចរាចរណ៍កើតឡើងបណ្តាលស្លាប់ម្នាក់និងរបួស ៣នាក់ធ្ងន់នេះ មកពីជនរងគ្រោះឈ្មោះ ផល វ៉ាឃីម បើកបរម៉ូតូក្នុងល្បឿនលឿនឌុបឈ្មោះ ស្នា ថា ទើបបណ្តាលបុកម៉ូតូ២នាក់ប្តីប្រពន្ធបណ្តាលស្លាប់ប្តីប្រពន្ធរបួសធ្ងន់ត្រូវបានសង្គ្រោះបន្ទាន់។ ហើយម៉ូតូ២គ្រឿងដែលបង្កត្រូវបានយកទៅរក្សាទុកនៅអធិការនគរបាលស្រុកអូរជ្រៅអនុវត្តន៍តាមច្បាប់ ៕
ចំនួនអ្នកទស្សនា
- ថ្ងៃនេះ3921
- ម្សិលមិញ3811
- សប្តាហ៍នេះ17501
- ខែនេះ212101
- ឆ្នាំនេះ212101
- សរុប20654557