អភិបាលខេត្តដាក់វិធានការទប់ស្កាត់បទល្មើសគ្រឿងញៀនឆ្លងដែននិងទំនិញគេចពន្ធ
08-September-2017 | ដោយ ពល បញ្ញា
បន្ទាយមានជ័យ ៖ អភិបាលខេត្តដាក់វិធានការទប់ស្កាត់បទល្មើសគ្រឿងញៀនឆ្លងដែន និងទំនិញគេចពន្ធដែលឆ្លងកាត់តាមបន្ទាត់ព្រំដែន។ ការលើកឡើងនេះធ្វើនៅក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តនៅរសៀលថ្ងៃទី០៧ ខែកញ្ញា ឆ្នាំ២០១៧ នៅសាលប្រជុំសាលាខេត្តបន្ទាយមានជ័យ។
ក្នុងកិច្ចប្រជុំលោក សួន បវរ អភិបាលខេត្តបន្ទាយមានជ័យបានមានប្រសាសន៍ថា កិច្ចប្រជុំគណៈបញ្ជាការឯកភាពរដ្ឋបាលខេត្តបន្ទាយមានជ័យ ក្នុងគោលបំណងដើម្បីដាក់វិធានការដល់មន្ត្រីនិងស្ថាប័នសមត្ថកិច្ចត្រូវលុបបំបាត់បទល្មើសគ្រឿងញៀនឆ្លងដែន និងជួញដូរចែកចាយគ្រឿងញៀនតាមមូលដ្ឋានប៉ះពាល់ដល់ប្រជាពលរដ្ឋនិងប្រទេសជាតិ។
លោកបានបញ្ជាក់ថា រថយន្តពេលកន្លងមកស្ថាប័នសមត្ថកិច្ចមានកម្លាំងនគរបាលខេត្តនិងកម្លាំងកងរាជអាវុធហត្ថខេត្ត បានបង្ក្រាបចាប់បានជាញឹកញាប់ត្រូវបានអនុវត្តតាមច្បាប់។ ដើម្បីឲ្យភូមិ-ឃុំមានសុវត្ថិភាពគឺកម្លាំងសមត្ថកិច្ចត្រូវលុបបំបាត់បទល្មើសគ្រឿងញៀនឲ្យអស់ប្រជាពលរដ្ឋមានសុខសន្តិភាព។
លោក សួន បវរ បានដាក់វិធានការដល់កម្លាំងឈរជើងតាមបន្ទាត់ព្រំដែនត្រូវចូលរួមទប់ស្កាត់ទំនិញគេចពន្ធឈ្មួញលួចនាំចូលធ្វើឲ្យបាត់បង់ចំណូលរដ្ឋ និងទំនិញខូចគុណភាព មានមាន់ ទា រស់នាំចូលព្រួយបារម្ភឆ្លងជំងឺផ្តាសាយបក្សីពីសត្វ ៕
ចំនួនអ្នកទស្សនា
- ថ្ងៃនេះ2691
- ម្សិលមិញ9421
- សប្តាហ៍នេះ58351
- ខែនេះ173501
- ឆ្នាំនេះ173501
- សរុប20615957