ខេត្តបន្ទាយមានជ័យការប្រមូលផលស្រូវស្រាលបានចំនួន១៥៦,២៤៧តោន នៅសល់ប្រមាណ១០ភាគរយកំពុងប្រមូលផល
08-September-2017 | ដោយ ពល បញ្ញា
បន្ទាយមានជ័យ ៖ ខេត្តបន្ទាយមានជ័យការប្រមូលផលស្រូវស្រាលបានចំនួន ១៥៦,២៤៧តោន នៅសល់ប្រមាណ ១០ភាគរយកំពុងប្រមូលផលរហូតដល់ថ្ងៃទី០៨ ខែកញ្ញា ឆ្នាំ២០១៧។
លោក សួន បវរ អភិបាលខេត្តបន្ទាយមានជ័យបានមានប្រសាសន៍ថា ក្នុងឆ្នាំ២០១៧នេះ បង្កបង្កើនផលរហូតដល់ ២៥១,៩៦១ហិតានិងស្រូវស្រាលមានជាង ៥០,០០០ហិតា ហើយការប្រមូលផលឆ្នាំនេះក្នុង មួយហិតាទទួលផល ៤ទៅ៦តោនដែលប្រសើរជាងឆ្នាំ២០១៦។
លោកបានបញ្ជាក់ថា ការប្រមូលផលស្រូវស្រាលប្រភេទស្រូវសែនក្រអូប ដំបូងក្រុមហ៊ុនបែតងទិញក្នុង មួយតោនតំលៃ ៨,០០០បាតរហូតមកដល់ពេលនេះក្នុង មួយតោនតំលៃ ៧,៥០០បាត។ រហូតដល់ថ្ងៃទី០៧ ខែកញ្ញា ឆ្នាំ២០១៧នេះ មានទី១-ក្រុមហ៊ុនបៃតងទិញបានប្រមាណ ៩,៣០០តោន ទី២-ឈ្មួញក្នុងស្រុកទិញប្រមាណ២១,៣០០តោន ទី៣-ឈ្មួញវៀតណាមទិញប្រមាណ៧៥,១០០តោន។
លោក សួន បវរ បានបញ្ជាក់ថា ដោយយោងតាមរបាយការណ៍មន្ទីរកសិកម្មរុក្ខាប្រមាញ់និងនេសាទខេត្តបន្ទាយមានជ័យការប្រមូលផលស្រូវសែនក្រអូបរហូតដល់ថ្ងៃទី០៧ ខែកញ្ញា ឆ្នាំ២០១៧នេះ ការប្រមូលផលស្រូវស្រាលនៅសល់ប្រមាណ១០ភាគរយទៀតនិងរួចរាល់ដល់ស្រូវកណ្តាល ៕
ចំនួនអ្នកទស្សនា
- ថ្ងៃនេះ2651
- ម្សិលមិញ9421
- សប្តាហ៍នេះ58311
- ខែនេះ173461
- ឆ្នាំនេះ173461
- សរុប20615917