កាន់បិណ្ឌវេនទី១ប្រជាពលរដ្ឋព្រះសង្ឃចំនួន២៣នាក់ហូបនំបញ្ចុកបណ្តាលពុលក្អួតនិងចង្អោត្រូវបានបញ្ជូនទៅពេទ្យស្រុកភ្នំស្រុក
08-September-2017 | ដោយ ពល បញ្ញា
បន្ទាយមានជ័យ ៖ កាន់បិណ្ឌវេនទី១ប្រជាពលរដ្ឋនិងព្រះសង្ឃចំនួន២៣នាក់ហូបនំបញ្ចុកបណ្តាលពុលក្អួតនិងចង្អោត្រូវបានបញ្ជូនទៅពេទ្យ កាលពីវេលាម៉ោង០១និង៣០នាទី ថ្ងៃទី០៦ ខែកញ្ញា ឆ្នាំ២០១៧ នៅវត្តស្មាច់ភូមិស្មាច់ ឃុំទឹកជោរ ស្រុកភ្នំស្រុក។
សមត្ថកិច្ចបានឲ្យដឹងថា ប្រជាពលរដ្ឋនិងព្រះសង្ឃចំនួន២៣នាក់បានពុលនំបញ្ចុកនៅថ្ងៃកាន់បិណ្ឌទី១ ក្នុងវត្តស្មាច់ ហើយត្រូវបានបញ្ជូនទៅមន្ទីរពេទ្យបង្អែកស្រុកភ្នំស្រុក និងស្រុកព្រះនេត្រព្រះចំនួន១៣នាក់ ដែលមានសភាពធ្ងន់ធ្ងរត្រូវបានអោយគ្រូពេទ្យព្យាបាលដោយចាក់ថ្នាំនិងព្យួរសេរ៉ូម។
សមត្ថកិច្ចបន្តថា ក្រោយពេលបញ្ជូនប្រជាពលរដ្ឋនិងព្រះសង្ឃចំនួន១៣នាក់ ទៅមន្ទីរពេទ្យបង្អែកស្រុកភ្នំស្រុកនិងស្រុកព្រះនេត្រព្រះ គ្រូពេទ្យបញ្ជាក់ថា ប្រជាពលរដ្ឋនិងព្រះសង្ឃដែលពុលនំបញ្ចុកដែលមានសភាពក្អួតចង្អោក្រោយពេលចាក់ថ្នាំនិងដាក់សេរ៉ូមហើយអាចជាសះស្បើយវិញ។
សមត្ថកិច្ចបន្តថា ប្រជាពលរដ្ឋនិងព្រះសង្ឃដែលពុលនំបញ្ចុកប្រហែលជាមូលហេតុមកពីអ្នកធ្វើនំបញ្ចុកមានជាតិពុលគឺធូបមូសដោយអ្នកធ្វើនំបញ្ចុកពេលយប់ដុតធូបមូសហើយផេះធូបមូសហុយចូលនំបញ្ចុករឺអ្នកធ្វើនំបញ្ចុកកាន់ធូបមូស ហើយលាងដៃមិនស្អាតទៅកាន់នំបញ្ចុកទើបបណ្តាលអ្នកហូបនំបញ្ចុកកាន់បិណ្ឌទី១បណ្តាលពុលកើតឡើងរហូតដល់ ២៣នាក់ត្រូវបានសង្គ្រោះទៅកាន់មន្ទីពេទ្យបង្អែកស្រុកភ្នំស្រុកនិងស្រុកព្រះនេត្រព្រះ ៕
ចំនួនអ្នកទស្សនា
- ថ្ងៃនេះ2741
- ម្សិលមិញ9421
- សប្តាហ៍នេះ58401
- ខែនេះ173551
- ឆ្នាំនេះ173551
- សរុប20616007