ដុតផាវលេង បណ្តាលឲ្យស្លាប់ពីរនាក់ និងរបួសពីរនាក់នៅស្រុកកណ្តាលស្ទឹង
11-September-2017 | ដោយ ពល បញ្ញា
កណ្តាល ៖ លោកវរសេនីយ៍ទោ ម៉ែន ច័ន្ទរិទ្ធ អធិការស្រុកកណ្តាលស្ទឹង បានឲ្យដឹងថាមានករណីក្មេងកែច្នៃផាវខុសបច្ចេកទេស បណ្តាលឲ្យផ្ទុះស្លាប់ក្មេងប្រុសពីរនាក់ របួសធ្ងន់ម្នាក់និងរបួសស្រាលម្នាក់បញ្ជូនទៅសង្គ្រោះបន្ទាន់នៅមន្ទីរពេទ្យមិត្តភាពខ្មែរ-សូវៀត។ ហេតុការណ៍ខាងកើតឡើងកាលពីថ្ងៃទី១០ ខែកញ្ញា ឆ្នាំ២០១៧ វេលាម៉ោង៧និង៣០នាទី នៅចំណុចភូមិភូមិពោធិដុះ ឃុំបារគូ ស្រុកកណ្តាលស្ទឹង ខេត្តកណ្ដាល។
លោកអធិការបន្តថាជនរងគ្រោះទី១-ឈ្មោះ ប៉ុន សម្បត្តិ អាយុ១៣ឆ្នាំ មុខរបរសិស្ស, ទី២-ឈ្មោះ ជ័យ វី អាយុ១១ឆ្នាំ មុខរបរសិស្ស, ទី៣-ឈ្មោះ ប៉ុន សុខុន អាយុ១៦ឆ្នាំ មុខរបរសិស្ស, និងទី៤-ឈ្មោះ មឿន សុភក្រ័ អាយុ១៧ឆ្នាំ មុខរបរសិស្ស។
ក្រោយកើតហេតុកម្លាំងចម្រុះបានចុះដល់កន្លែងកើតហេតុ បានត្រួតពិនិត្យកន្លែងកើតហេតុ បញ្ជូនអ្នករបួសទៅមន្ទីរពេទ្យ និងបានប្រគល់សពទៅអោយក្រុមគ្រួសារយកទៅធ្វើបុណ្យតាមប្រពៃណី។ សមត្ថកិច្ចសូមអំពាវនាវ ដល់បងប្អូនប្រជាពលរដ្ឋទាំងអស់ សូមកុំនាំគ្នាលេងផាវ ព្រោះអាចបង្កឲ្យមានគ្រោះថ្នាក់ ដល់អាយុវជីវិត ៕
ចំនួនអ្នកទស្សនា
- ថ្ងៃនេះ2711
- ម្សិលមិញ9421
- សប្តាហ៍នេះ58371
- ខែនេះ173521
- ឆ្នាំនេះ173521
- សរុប20615977